უკრაინის პირველი ლედი ელენა ზელენსკა ინსტაგრამზე ვრცელ პოსტს აქვეყნებს და ნატოს რუსეთის თვითმფრინავებისთვის ცის დახურვისკენ მოუწოდებს.
„როდესაც რუსეთში იტყვიან, რომ უბრალოდ მოქალაქეებს არავინ ებრძვის, მათ ეს ფოტოები ანახეთ. ეს იმ ბავშვების სახეებია, რომლებიც აღარ გაიზრდებიან. კიდევ რამდენი ბავშვი უნდა დაიღუპოს რუსი ჯარისკაცების ხელით, რომ ცეცხლი შეწყდეს და ჰუმანიტარულ დერეფანზე შეთანხმებას მიაღწიონ… ასეთი დერეფანი ახლა ყველაზე მეტად უკრაინის მჭიდროდ დასახლებულ ქალაქებშია საჭირო. იქ საკვების და წამლების გარეშე ასობით ბავშვი დაიღუპება. ოკუპანტები მთლიანად ოჯახებს ხოცავენ და მოხალისეებსაც, როდესაც ისინი ცდილობენ ქალაქი დატოვონ ან პირიქით შიგნით შევიდნენ.
ნატო, ბოლოს და ბოლოს დახურე ცა უკრაინის თავზე რუსეთის თვითმფრინავებისთვის. გადაარჩინე ჩვენი ბავშვების სიცოცხლე, რომ შემდეგ აღარც თქვენი ბავშვები არ დაიხოცონ“, – წერს უკრაინის პრეზიდენტის მეუღლე.
პირველმა ლედიმ პოსტთან ერთად ომის პერიოდში უკრაინაში დაღუპული ბავშვების ფოტოებიც გამოაქვეყნა.
View this post on Instagram
აგრეთვე დაგაინტერესებთ:
