თბილისის მე-7 რაიონული სამსახურის 0733 სასწრაფო დახმარების ბრიგადამ შუახნის ქალის სიცოცხლე გადაარჩინა.
აღნიშნულ ინფორმაციას სოციალურ ქსელში გვერდი „შენი სიცოცხლის გადასარჩენად“ ავრცელებს.
„თბილისის მე-7 რაიონული სამსახურის 0733 სასწრაფო დახმარების ბრიგადის წარმატება.
გამოძახების ადგილზე მისულ თბილისის მე-7 რაიონული სამსახურის 0733 სასწრაფო დახმარების ბრიგადას შუახნის ქალბატონი გულის გაჩერებით დახვდათ. ბრიგადის წევრების მიერ მოხდა პაციენტის მონიტორზე აყვანა და დაწყებულ იქნა პროტოკოლით გათვალისწინებული რეანიმაციული ღონისძიებები. გამოყენებულ იქნა გულ-ფილტვის რეანიმაციის ტუმბო, რომლის მეშვეობით აღდგა რიტმი, მონიტორზე დაფიქსირდა პარკუჭოვანი ტაქიკარდია.
პაციენტი სტაბილური მდგომარეობით თბილისის ერთ-ერთ კლინიკაში იქნა შეყვანილი.
გვეამაყება:
პარამედიკოსი ირაკლი ხეჩიკაშვილი
უმცროსი ექიმი სალომე ჩიკვაიძე
მძღოლი სიმონ მამაიაშვილი“, - წერია გავრცელებული ინფორმაციაში.
აგრეთვე დაგაინტერესებთ:
⭕სასამართლომ ადამიანით ვაჭრობის (ტრეფიკინგის) ფაქტზე ბრალდებული დამნაშავედ ცნო
