სტუდენტის დაჭრასთან დაკავშირების გრიგოლ რობაქიძის უნივერსიტეტი განცხადებას ავრცელებს.
როგორც განცხადებშია აღნიშნული, ახალგაზრდა, რომელიც დაჭრეს ამავე უნივერსიტეტი მე-3 კურსის სტუდენტია და მისი ჯანმრთელობის მდგომარეობა სტაბილურია.
მათივე თქმით, შენობის მიმდებარე ტერიტორია სრულად აღჭურვილია ვიდეო კამერებით, რომელიც სამართალდამცველებისთვის ხელმისაწვდომია.
„გრიგოლ რობაქიძის უნივერსიტეტის ოფიციალური განცხადება.
საზოგადოების მაღალი ინტერესიდან გამომდინარე, გვინდა განვმარტოთ, რომ დღეს, გრიგოლ რობაქიძის უნივერსიტეტის მიმდებარედ, ირინა ენუქიძის ქუჩაზე, მოხდა ინციდენტი - შედეგად დაზარალდა ჩვენი მე-3 კურსის სტუდენტი, რომლის ჯანმრთელობის მდგომარეობა ამ ეტაპზე სტაბილურია.
რამდენადაც ცნობილი გახდა, ინციდენტი დაიწყო კვების ერთ-ერთ ობიექტთან და გადაინაცვლა უნივერსიტეტის მიმდებარე ქუჩაზე. რის გამოც, დაცვის თანამშრომლის სწრაფი რეაგირება შეიზღუდა. თუმცა, უნივერსიტეტის სამედიცინო პერსონალისა და დაცვის თანამშრომლის სწრაფი მოქმედებით, დაშავებულს აღმოვუჩინეთ პირველადი დახმარება. შემდეგ კი, სასწრაფოს ეკიპაჟმა მალევე გადაიყვანა სამედიცინო დაწესებულებაში.
აღსანიშნავია, რომ უნივერსიტეტი აღჭურვილია ვიდეო-თვალთვალის სისტემით, რაც ინციდენტის შემდეგ, სამართალდამცავი ორგანოებისთვის ხელმისაწვდომი გახდა.
უნივერსიტეტის სახელით, სრულ მხარდაჭერას ვუცხადებთ ჩვენს სტუდენტს და ვუსურვებთ სწრაფ და სრულ გამოჯანმრთელებას“, - წერს გრიგოლ რობაქიძის უნივერსიტეტი.
⭕ ასევე დაგაინტერესებთ:
⭕ „რამდენიმე საათიანი შოკის შემდეგ წავიდა უფალთან...“ - ეკა ბესელიას დედა გარდაეცვალა
⭕ ღირს თუ არა ყოფილთან ურთიერთობა დაშორების შემდეგ - როდის არის ეს ჯანსაღი და როდის გვაზიანებს
⭕ „არაფერი უნდა იყოს ისეთი, რაც ღმერთის სიყვარულისგან განდგომილია“ - დეკანოზი თეოდორე გიგნაძე
