საზოგადოებრივი ჯანმრთელობის ინსტიტუტის თავმჯდომარე და საერთაშორისო ჯანდაცვის აღიარებული ექსპერტი. WHO-ს ექსპერტი, Relief International-ის მმართველი საბჭოს დირექტორი და გაეროს გენერალური მდივნის ყოფილი მრჩეველი პროფესორი გიორგი ფხაკაძე, რომელსაც აქვს 25 წელზე მეტი გამოცდილება ჯანდაცვის სექტორში, როგორც საქართველოში, ასევე საერთაშორისო დონეზე სოციალურ ქსელში საზოგადოებას პერიოდულად უზიარებს სასარგებლო რჩევებს, ამჯერად იგი ხორცის შენახვის პირობებსა და მეთოდებზე საუბრობს:
„რამდენ ხანს შეიძლება ხორცის შენახვა მაცივარში და საყინულეში?
იცოდით, რომ ხორცის არასწორი შენახვა ბაქტერიების გამრავლებისა და საკვები მოწამვლის ერთ-ერთი მთავარი მიზეზია?
თუ გსურთ, რომ თქვენი საკვები უსაფრთხო, გემრიელი და ნუტრიციულად ღირებული იყოს, აუცილებელია იცოდეთ, რამდენ ხანს შეიძლება ხორცის სხვადასხვა სახეობა შევინახოთ მაცივარში და საყინულეში!
რამდენ ხანს შეიძლება ხორცის შენახვა საყინულეში?
⭕საქონლის ხორცი (სტეიკი, ნაჭრები) – 6-12 თვე
⭕ღორის ხორცი – 4-6 თვე
⭕ქათმის ფილე – 9 თვე
⭕მთლიანი ქათამი ან ინდაური – 1 წელი
⭕ხბოს ხორცი – 8-12 თვე
⭕ცხვრის ხორცი – 6-9 თვე
⭕ფარში (საქონლის, ღორის, ქათმის) – 3-4 თვე
⭕თევზი და ზღვის პროდუქტები – 2-6 თვე
⭕სოსისები და ძეხვეული – 1-2 თვე
⭕მოხარშული ხორცი და ხორციანი კერძები – 2-3 თვე
❗ხორცის შენახვის 5 მთავარი წესი:
შეფუთვა – ხორცი ყოველთვის მოათავსეთ ჰერმეტულ კონტეინერში ან ვაკუუმურ შეფუთვაში, რათა ჰაერის კონტაქტი შეიზღუდოს და არ მოხდეს გაყინვის დამწვრობა
გალღობა – არასოდეს დატოვოთ ხორცი ოთახის ტემპერატურაზე გასალღობად!
საუკეთესო მეთოდია მაცივარში ნელ-ნელა გალღობა.
ხელახალი გაყინვა – გალღობილი ხორცი მეორედ აღარ უნდა გაყინოთ, რადგან ეს აფუჭებს ტექსტურას და ზრდის მავნე ბაქტერიების გავრცელების რისკს.
ხარისხის შემოწმება – თუ ხორცის სუნი, ფერი ან ტექსტურა შეცვლილია, უმჯობესია არ მიირთვათ!
ახალი ხორცი უნდა იყოს ნეიტრალური სუნის და ბუნებრივი ფერის.
მაცივარში შენახვა – ხორცის მაცივარში (4°C ან ქვემოთ) შენახვის მაქსიმალური ვადებია:
⭕სტეიკი და დიდი ნაჭრები – 3-5 დღე
⭕ფარში და ფრინველის ხორცი – 1-2 დღე
⭕მოხარშული ხორცი და ხორციანი კერძები – 3-4 დღე
ხორცის სწორად შენახვა აუცილებელია საკვების უსაფრთხოებისთვის.
არასწორი პირობები ხელს უწყობს ბაქტერიების სწრაფ გამრავლებას, რაც შესაძლოა საკვები მოწამვლის მიზეზი გახდეს.
მნიშვნელოვანია, რომ ყველამ ვიცოდეთ, როგორ შევინახოთ ხორცი ისე, რომ მაქსიმალურად შევინარჩუნოთ მისი ხარისხი და ავირიდოთ ჯანმრთელობის რისკები“, - წერს გიორგი ფხაკაძე.
ასევე დაგაინტერესებთ:
⭕„წყალი ბაკურიანი“ განცხადებას ავრცელებს
⭕კესო ბერუაშვილი გერმანელ კაცზე დაინიშნა - ცნობილია რამდენ კარატიანი ბრილიანტი აჩუქა მას რჩეულმა
