საზოგადოებრივი ჯანმრთელობის ინსტიტუტის თავმჯდომარე და საერთაშორისო ჯანდაცვის აღიარებული ექსპერტი, WHO-ს ექსპერტი, Relief International-ის მმართველი საბჭოს დირექტორი და გაეროს გენერალური მდივნის ყოფილი მრჩეველი პროფესორი გიორგი ფხაკაძე, რომელსაც აქვს 25 წელზე მეტი გამოცდილება ჯანდაცვის სექტორში, როგორც საქართველოში, ასევე საერთაშორისო დონეზე, სოციალურ ქსელში საზოგადოებას პერიოდულად უზიარებს სასარგებლო რჩევებს.
ამჯერად იგი საზოგადოებას ახალ ინფორმაციას უზიარებს, სადაც მაღალცხიმიანი დიეტის უკუჩვენებაზე წერს:
„მაღალცხიმიანი დიეტა აზიანებს ნაწლავის იმუნურ უჯრედებს – შედეგები იწყება უკვე 48 საათში!
ახალი კვლევა ჟურნალში Cell – Immunity გვაფრთხილებს:
მაღალი ცხიმის შემცველი დიეტა (HFD) უკვე პირველივე 48 საათში იწვევს იმუნური უჯრედების ფუნქციის დაქვეითებას ნაწლავში!
რა ხდება ორგანიზმში ცხიმიანი საკვების მიღების შემდეგ?
მეცნიერებმა დაადგინეს, რომ:
• მაღალი ცხიმის დიეტა იცვლის ნაწლავის მიკრობიომს
• ხდება ნაწლავის იმუნური უჯრედების (ILC3) დათრგუნვა
• ამ უჯრედებს აღარ შეუძლიათ საკმარისი რაოდენობით ინტერლეიკინ-22 (IL-22) წარმოქმნა
• შედეგად: დარღვეულია ნაწლავის ბარიერი და იწყება ანთებითი პროცესები
ვინ არიან ILC3 უჯრედები და რატომ არის მათი ფუნქცია მნიშვნელოვანი?
Group 3 innate lymphoid cells (ILC3s) არიან იმუნური სისტემის ნაწილი, რომლებიც:
იცავენ ნაწლავის ლორწოვან გარსს;
ასრულებენ ბარიერულ ფუნქციას – არ აძლევენ პათოგენებს შესვლის საშუალებას;
წარმოქმნიან IL-22-ს – ნივთიერებას, რომელიც აწესრიგებს ანთებით რეაქციებს და აღადგენს დაზიანებულ ქსოვილს;
ცხიმები, განსაკუთრებით დაჯერებული ცხიმმჟავები (saturated fats), პირდაპირ თრგუნავენ ამ უჯრედების მუშაობას!
რისკები ხანგრძლივი მოხმარებისას:
ქრონიკული ნაწლავური ანთება;
ბარიერის დარღვევა და ტოქსინების შეწოვა;
იმუნური დისბალანსი;
გრძელვადიან პერსპექტივაში – კრონის დაავადება, ულცერაციული კოლიტი, მეტაბოლური სინდრომი.
ეს კვლევა ცალსახად გვაჩვენებს – ნაწლავის ბარიერი იწყებს დაშლას ცხიმიანი საკვების მიღებიდან უკვე ორ დღეში. ჩვენ უნდა გავაცნობიეროთ, რომ კვება არა მხოლოდ წონის საკითხია, არამედ იმუნიტეტის, ნაწლავების და მთლიანი ორგანიზმის ბალანსის საქმეა.
განსაკუთრებით საქართველოში, სადაც სუფრის კულტურა ხშირად მდიდარია შეწვითა და ცხოველური ცხიმებით – საჭიროა საყოველთაო განათლება და ქცევითი ცვლილება“, - წერს გიორგი ფხაკაძე.
ასევე დაგაინტერესებთ:
