სასამართლომ ლაზარე გრიგორიადისს პატიმრობა შეუფარდა.
შინაგან საქმეთა სამინისტრომ 29 მარტს გაავრცელა ინფორმაცია, რომ დააკავეს ერთი ადამიანი, ვინც მათი მტკიცებით, 7-9 მარტის აქციებზე პოლიციელებს ქვები და ე.წ. მოლოტოვის კოქტეილები ესროლა. უწყება ამტკიცებს, რომ ამის შედეგად, პოლიციელებმა დაზიანებები მიიღეს.
ამ ამბავს ადვოკატი - ნათია ჩხეტიანი სოციალურ ქსელში გამოეხმაურა და აღნიშნა, რომ ლაზარეს ამ გარეგნობით ციხეში ფსიქოლოგიურად გატეხავენ.
„ლაზარე ციხიდან უნდა გათავისუფლდეს! მსგავსი განსხვავებული გარეგნობის ახალგაზრდას საბჭოური მენტალობის ციხე არ მიიღებს სიხარულით. მას გატეხავენ მორალურად, ფსიქოლოგიურად! ლაზარე აუცილებლად უნდა გათავისუფლდეს!
ციხეს მახინჯი სტანდარტები შემორჩა.
დემოკრატიის პირმშოებს დამაკნინებელი ტერნინებით ნათლავს.
ლაზარეს ადგილი იქ არ არის!
გააქტიურდით!
თავისუფლება ლაზარეს, თავისუფლებისთვის მებრძოლ მწუხარე სახის ბიჭს!“, - წერს ჩხეტიანი.
აგრეთვე დაგაინტერესებთ:
🎥 ახალი ჩანაწერები - შალვა რამიშვილის სკანდალური მხილების მეორე ნაწილი
