ასტროლოგი, ფსიქოლოგი და რამდენიმე წიგნის ავტორი რამაზ გიგაური, სოციალურ ქსელში სხვადასხვა ასტროპროგნოზთან ერთად საზოგადოებას ხშირად უზიარებს სასარგებლო რჩევებს.
იგი ამჯერად თემაზე: „მსოფლიოს პირველი ჩოგანი, რომელსაც სძულდა ჩოგბურთი“ - წერს და საინტერესო ისტორიას ჰყვება:
„მსოფლიოს პირველი ჩოგანი, რომელსაც სძულდა ჩოგბურთი.
ანდრე აგასი ლეგენდაა. მას ჰქონდა ყველაფერი — დიდება, ფული, „ოქროს სლემი“ (რაც ნიშნავს ოთხივე „დიდი სლემის“ ტურნირისა და ოლიმპიური ოქროს მოგებას).
მაგრამ თავის სკანდალურ ბიოგრაფიაში მან აღიარა ის, რამაც მსოფლიო შეძრა: „მე მძულს ჩოგბურთი. მთელი გულით და სულით მძულს“.
რატომ? იმიტომ, რომ მამამისი — ყოფილი მოკრივე, რომელმაც ვერ მიაღწია ოლიმპიურ ოქროს — აიძულებდა შვილს, ეცხოვრა მისი, მამის ოცნებებით.
აგასი არ თამაშობდა თავის თამაშს. ის იყო „დუბლიორი“ მამის დაუსრულებელ სპექტაკლში.
სწორედ ამას გულისხმობდა კარლ გუსტავ იუნგი, როცა წერდა:
„ყველაზე მძიმე ტვირთი, რაც ბავშვებს მხრებზე აწვებათ — მშობლების აუხდენელი ცხოვრებაა“.
დაფიქრებულხართ, რამდენი ჩვენგანია დღეს „აგასი“ — ოღონდ ჩოგნის გარეშე?
რამდენი მუშაობს პრესტიჟულ სამსახურში, რომელიც ეზიზღება, მხოლოდ იმიტომ, რომ ოჯახში ასე ითვლებოდა „სწორად“?
რატომ აირჩიეთ თქვენი პროფესია?
იმიტომ, რომ ეს თქვენი სულის ძახილი იყო, თუ იმიტომ, რომ დედას (ან მამას) უნდოდა ამ პროფესიის ყოფილიყო, მაგრამ რაღაცამ ხელი შეუშალა?
ფსიქოლოგიაში ამას „ნარცისული გაგრძელება“ ჰქვია.
ეს არის მომენტი, როცა მშობელი შვილს უყურებს არა როგორც პიროვნებას, არამედ როგორც საკუთარი „ჭრილობის“ წამალს“, - წერს რამაზ გიგაური.
⭕ ასევე დაგაინტერესებთ:
⭕„უნალექო ამინდია მოსალოდნელი...“ - სინოპტიკოსების პროგნოზი
⭕„გახსოვდეთ, ჯანმრთელი პანკრეასი ნიშნავს სტაბილურ ენერგიას...“ - არუნ ხათრი
