2 დღის წინ, თბილისში, მდინარე მტკვარში გადავარდნილი მანქანა მაშველებმა წყლიდან დღეს დილით ამოიყვანეს. ავტომობილში ორი მგზავრის ცხედარი იპოვეს, რომლებიც სამეგრელოდან იყვნენ.
ტრაგედიის გამო, 19 მაისს, ზუგდიდში დაგეგმილი კონცერტი აღარ შედგება. ინფორმაციას სოციალურ ქსელში სახელმწიფო რწმუნებული სამეგრელო-ზემო სვანეთის მხარეში დავით ვერავა ავრცელებს:
„ღრმა მწუხარებას გამოვთქვამ თბილისში მომხდარი ავტოსაგზაო შემთხვევის გამო, რომელსაც ზუგდიდელი ახალგაზრდების სიცოცხლე ემსხვერპლა.
ამ ტრაგედიამ თითოეული ჩვენგანი შეგვძრა. ვუსამძიმრებ ახალგაზრდების ოჯახებს, ახლობლებსა და მეგობრებს. რთულია, ამ დროს ვიპოვოთ სანუგეშო სიტყვები.
მომხდარი ტრაგედიის გამო, ზუგდიდის მერიასთან ერთად, მივიღეთ გადაწყვეტილება, რომ ბოლო ზართან დაკავშირებით 19 მაისს დაგეგმილი კონცერტი აღარ შედგება.
გამოჯანმრთელებას ვუსურვებ ავარიის შედეგად დაშავებულ ახალგაზრდას, რომლის გადარჩენაც ჩვენმა გმირმა მაშველებმა შეძლეს“, - წერია გავრცელებულ ინფორმაციაში.
ასევე დაგაინტერესებთ:
