ასტროლოგი, ფსიქოლოგი და რამდენიმე წიგნის ავტორი რამაზ გიგაური, სოციალურ ქსელში სხვადასხვა ასტროპროგნოზთან ერთად საზოგადოებას ხშირად უზიარებს სასარგებლო რჩევებს.
იგი ამჯერად ახალ პოსტს აქვეყნებს, სადაც პატიების ტოქსიკური ილუზიაზე საუბრობს:
⛓️💥 პატიების ტოქსიკური ილუზია: რატომ არ არის მიტევება სავალდებულო?
წლების განმავლობაში პოპულარული ფსიქოლოგია ერთ დაუწერელ წესს გვახვევს თავს: თითქოს, ტრავმისგან განსაკურნად, დამნაშავის პატიება ერთადერთი გზაა. მაგრამ რა ხდება მაშინ, როცა მოყენებული ზიანი იმდენად მძიმეა, რომ პატიება საკუთარი თავის დამცირებას უდრის?
ასეთ სიტუაციაში მიტევებისკენ ადამიანის იძულება არა დახმარება, არამედ ძალადობის მეორე, ფარული ფორმაა.
🛑 ცნობილი ფსიქოთერაპევტები დღეს პირდაპირ ამბობენ: თქვენ არ გჭირდებათ მიტევება იმისათვის, რომ განიკურნოთ. როდესაც თქვენ იძულებით პატიობთ ადამიანს, რომელსაც პასუხისმგებლობა არ აუღია თავის საქციელზე, თქვენი ფსიქიკა ამას საკუთარი თავის ღალატად აღიქვამს.
ნაადრევი პატიება მხოლოდ აჩუმებს სამართლიან ბრაზს, რომელიც მოგვიანებით აუცილებლად შემოტრიალდება თქვენსავე წინააღმდეგ. სიყვარულისა და სიძულვილის საპირისპირო მდგომარეობა პატიება კი არა — სრული ნეიტრალურობაა. თქვენი მიზანი უნდა იყოს არა დამნაშავის გამართლება, არამედ საკუთარი ენერგიის უკან დაბრუნება“, - წერს რამაზ გიგაური.
ასევე დაგაინტერესებთ:
