მას შემდეგ, რაც უკრაინაში რუსეთი შეიჭრა და ქვეყანაში საომარი მოქმედებები დაიწყო, თბილისში ყოველ საღამოს იმართება უკრაინის მხარდამჭერი მრავალათასიანი შეკრებები. სოლიდარობა გამოაცხადა გადაცემა „პრაიმშოუს“ გუნდმაც და ფოტო გამოაქვეყნეს, სადაც წამყვანები უკრაინის დროშის ფონზე დგანან.
სოციალურ ქსელში გაზიარებულ ფოტოს საზოგადოების ნაწილის მხრიდან კრიტიკა მოჰყვა. „მთავარი არხის“ ჟურნალისტმა ბექა ყორშიამ „ფეისბუქის“ პირად გვერდზე წამყვანების ფოტო გამოაქვეყნა და შეურაცხმყოფელი პოსტი დაწერა. ახლა კი ნოე სულაბერიძემ მას პასუხი გასცა.
„ჩვენ ისეთი პროფესია გვაქვს, რომ ზოგჯერ რაღაცების ატანა გვიწევს, მათ შორის ბულინგის და ამიტომ ყოველთვის ასეთ შემთხვევებში ვცდილობ ცივად გავატარო, თუმცა ამ შემთხვევაში ერთი ბიჭუნას უზრდელობამ ეს წესი ოდნავ დამარღვევინა.
სამწუხაროდ, არ ვიცი რატომ, მაგრამ ბლოკში ვარ და ადრესატს ვერ ვპასუხობ, რომელსაც მართლა დავურეკე და რაც მოისმინა ჩემგან მართლა ყველაფერი იყო ქების გარდა, ერთადერთი შევეცადე კორექტული ვყოფილიყავი და შეურაცხყოფა არ მიმეყენებინა, რაც კარგად გამომივიდა მიუხედავად იმისა, რომ ძალიან რთული იყო.
ზოგადად, ერთს ვიტყვი: რანაირი ,,კაცი” უნდა იყო, ასეთ დროს ასე რომ გეღლიცინებოდეს, ბულინგის ორგანიზებისთვის რომ გეცალოს და სანამ ჩვენს გულწრფელ განწყობაზე, რომელიც ამ ფოტოს დადებით აისახება ადამიანებს დაგეშავ, სიმართლის ლაპარაკი ისწავლე და ნებისმიერ ჩვენგანივით შეიყვარე ეს ქვეყანა, თუმცა ალბათ სამწუხაროდ ეს ყველას ხვედრი არ არის!
p.s. ბევრი მიზეზის გამო ვამაყობ იმით, სადაც ვმუშაობთ და ყოველთვის ასე იქნება”, - წერს ნოე სულაბერიძე.
ასევე დაგაინტერესებთ👇
🔵„ამ წამს ვესაუბრე ნინო სუხიშვილს...“ - რა ინფორმაციას ავრცელებს დავით ოქიტაშვილი
🔵„უკრაინამ მაშინ საქართველო გადაარჩინა“ - რას ჰყვებოდა ედუარდ შევარდნაძე უკრაინის შესახებ
