მსახიობი ზურა ბერიკაშვილი 13 სექტემბერს 55 წლის ასაკში გარდაიცვალა. სამწუხარო ინფორმაციას სოციალურ ქსელში მეგობრები და კოლეგები ავრცელებენ. მსახიობი ბოლო თვეების განმავლობაში მძიმე დაავადებას ებრძოდა. იგი 1990 წლიდან მარჯანიშვილის თეატრში მოღვაწეობდა.
მსახიობს კოლეგები და ახლობლები ემოციური პოსტებით ემშვიდობებიან:
„წავიდა ჩემი ბავშვობაც, ახალგაზრდობაც, (სიბერის გატარება აღარ დაგვცალდა ზური დაცარიელდება ჩვენი ეზო უშენოდ“,
„უდიდესი არტისტი და უსაყვარლესი მეგობარი, საზოგადოების სული და გული, თეატრში ყველა ახალ მოსულის გვერდში მდგომი, უმხიარულესი, უკეთილესი… ზაქარია ბერიკაშვილი. როგორ გვაკლდი უკვე დიდი ხანი და როგორ დაგვაკლდები ჩვენო „კალია”,
„ჩემო ერთგულო, კეთილო, ნიჭიერო, მხიარულო, გულიანო მეგობარო, ჩემო ძვირფასო ბერიკ, უცბად ყველაფერმა იცვალა ფერი. ძალიან მომენატრები, მადლობა ყველაფრისათვის. შეხვედრამდე“,
„მე ძალიან კარგი მეგობარი მყავდა. მადლობა ზურა ყველაფრისთვის, ჩემთვის დიდი პატივია, რომ მქვია შენი მეგობარი. შეხვედრამდე“, - წერენ სოციალურ ქსელში.
⭕ ასევე დაგაინტერესებთ:
