თბილისის მერობის კანდიდატად კახა კალაძის წარდგენას, რომელიც 31 ივლისს გაიმართა ბევრი ცნობილი სახე ესწრებოდა, მათ შორის იყო ტელეწამყვანი და ექიმი ნინო ნადირაძე.
მას ოპოზიციური არხების („ფორმულა“ და „ტვ პირველი“) ჟურნალისტებმა პროვოკაციული კითხვები დაუსვეს, აღნიშნული ვიდეოს შემდეგ კი ნინო ნადირაძე საზოგადოების გარკვეული ნაწილიდან ბულინგის მსხვერპლი გახდა, ნაწილმა კი მას მხარდაჭერა გამოუცხადა.
ამჯერად ნინო ნადირაძე სოციალურ ქსელში სტატუსს აქვეყნებს, სადაც მის კრიტიკოსებს მიმართავს.
იგი კრიტიკოსებს მხოლოდ ესთეტიკურ თემებზე საუბარში არ ადანაშაულებს, არამედ მათ აზრის თავისუფლებაზე ზეწოლაშიც - რადგან ისინი ცდილობენ, ადამიანებს ჩარჩოებში მოაქციონ და დააკომპლექსონ.
„ხალხო, უფრო უარესი ფოტოებიც მაქვს ბევრად, ასე თუ გაბედნიერებთ, მოგცემთ.
ანუ სიელმე და ნაკლი ლიბერალურ ბაბლში მიუღებელია?
არ მაქვს უფლება, ვიყო შეუხედავი და ნაკლოვანი?
რომ ვამბობ ბოლშევიკები ხართ და ფაშისტებითქო, ნუ გიკვირთ მერე თქვენი ბულინგი რომ ყოველ ჯერზე მაძლიერებს, ხომ უნდა ხვდებოდეთ ამდენს, მაგრამ უნიჭოები ხართ“, - წერს ნინო ნადირაძე.
⭕ ასევე დაგაინტერესებთ:
📸 როგორ გამოიყურებოდა ანუკი არეშიძე თბილისის მერობის კანდიდატად კახა კალაძის წარდგენაზე
