საქალაქო სასამართლოში ფიზიკურ და ფსიქოლოგიურ ძალადობაში ბრალდებული ცნობილი ჩოგბურთელის - ნიკოლოზ ბასილაშვილის საქმეზე განაჩენი გამოცხადდა.
მოსამართლის - ხათუნა ხარჩილავას გადაწყვეტილებით, ბასილაშვილი უდანაშაულოდ ცნეს. სოციალურ ქსელში დღეს მთავარი განხილვის თემაც, სწორედ ეს ხმაურიანი სასამართლოა.
ტელეწამყვანი დათო გორგილაძე სწორედ ამ ხმაურიან საქმეს ეხმაურება და სტატუსს აქვეყნებს.
„გულის სიღრმეში ვიღაცის უდანაშაულობის გწამდეს - ჩვეულებრივი ამბავია.
მტკიცებულებებში შეგქონდეს ეჭვი, გაყალბებული ან შეკერილ-შედუღებული გეგონოს - ამის უფლებაც შეგიძლია დაიტოვო.
წინასწარ გამოგქონდეს დასკვნები მხოლოდ იმის გამო, რომ ერთის მიმართ სიმპათია გაქვს, მეორე კი გაღიზიანებს - ეს გულდასაწყვეტი და არასწორია.
აი, ნიშნის მოგებით იძახდე "იიიიშ" და საქორწინო ბრინჯივით ყრიდე სიცილის ღიმილაკებს ამბავზე, რომელიც დავაში მონაწილე ადამიანების შვილის, ბავშვის ფსიქიკას როგორ აზიანებს და სამომავლოდ როგორ დააზიანებს ღმერთმა უწყის - უკვე საშიში დიაგნოზია.
ფსიქიატრიული რესპუბლიკა უნდა გვერქვას ჩვენ. რაის დემოკრატიული“ - წერს დათო გორგილაძე.
🔵ასევე დაგაინტერესებთ:
🔵რა ქონებას ფლობენ ბასილაშვილი და დოროყაშვილი
🔵„კი დავწერდი ჩემ აზრს მაგრამ.... ვგმობ ყველანაირ ძალადობას“ - რას წერს ია ფარულავა
