„ვიმედოვნებ, რომ მალე სერიალი ისევ დაბრუნდება საიუბილეო, მეოცე სეზონით!“ - „ჩცდ“ 13 წლისაა

1732640108

ყველასთვის ცნობილი სერიალი „ჩემი ცოლის დაქალები“ 13 წელია ეკრანზეა. პროექტი საკმაოდ წარმატებული აღმოჩნდა და მას დღემდე ბევრი გულშემატკივარი ჰყავს.

სერიალის შემოქმედებითი გუნდი საიუბილეო თარიღს აღნიშნავს, ერთ-ერთმა მთავარმა მსახიობმა ნინო გაჩეჩილაძემ კი სოციალურ ქსელში პოსტი გამოაქვეყნა და გასული სეზონებიდან რამდენიმე კადრი ამოაზიარა.

„მეგობრებო! დღეს ჩცდ-ს დაბადების დღეა. მართალია, უკვე 13 წელი გავიდა პროექტის დაწყებიდან, მაგრამ ის დღესაც აქტუალურია და მაყურებელი ისევ ელოდება მის დაბრუნებას.

ვულოცავ მთელ ჩვენს შემოქმედებით გუნდს და ვიმედოვნებ, რომ მალე სერიალი ისევ დაბრუნდება საიუბილეო, მეოცე სეზონით!“, - წერს ნინო გაჩეჩილაძე.