საერთაშორისო სპორტული გამოცემა 433-ი სოციალურ ქსელში პოსტს აქვეყნებს, რომელსაც „პსჟ“-ის თავდამსხმელსა და საქართველოს ეროვნული ნაკრების კაპიტანს, ხვიჩა კვარაცხელიას უძღვნის.
სტატია საკმაოდ ემოციურია და აღწერს ქართველი ფორვარდის კარიერაში მნიშვნელოვან მომენტებსა და განვლილ გზას:
„ამ პატარა თასიდან ჩემპიონთა ლიგის ორ ტიტულამდე“.
მხოლოდ 17 წლის ასაკში, ხვიჩა კვარაცხელიამ ყველაფერი დატოვა საქართველოში და თავისი ოცნების — პროფესიონალი ფეხბურთელი გამხდარიყო — ასასრულებლად რუსეთში გადავიდა.
მან ბევრი რამ დათმო, მაგრამ დანებება არასოდეს ყოფილა მისთვის ვარიანტი.
ყოველდღე, მაისურის ზურგზე საკუთარი გვარის დანახვა ახსენებდა, თუ რატომ აკეთებდა ამ ყველაფერს, როგორც მან The Players' Tribune-თან საუბარში თქვა.
შემდეგ კი, ერთ დღეს, მისი ცხოვრება სრულიად შეიცვალა, როდესაც SSC Napoli-დან დაურეკეს.
ის იქ გადავიდა და დაეხმარა გუნდს „სკუდეტოს“ მოგებაში — პირველად 33 წლის განმავლობაში.
მან საქართველო, ისტორიაში პირველად გაიყვანა ევროპის ჩემპიონატის (EURO) ფინალურ ეტაპზე.
და შემდეგ, Paris Saint-Germain FC-ში მან ფეხბურთში თითქმის ყველაფერს მიაღწია — ზედიზედ მოიგო ჩემპიონთა ლიგის ორი ტიტული.
ყველაფერი კი იმ პატარა თასით დაიწყო.
არასოდეს თქვათ უარი საკუთარ ოცნებებზე.“ ,- წერს გამოცემა 433.
ცნობისთვის, ხვიჩა კვარაცხელიას „პსჟ“ ზედიზედ მეორედ ჩემპიონთა ლიგის გამარჯვებულია.
თამაშის ბედი პენალტების სერიამ გადაწყვიტა.
მატჩის ძირითადი და დამატებითი დრო ფრედ - 1:1 დასრულდა, რის შემდეგაც პენალტების სერიაში „პსჟ“-მ „არსენალს“ სძლია.
ხვიჩა კვარაცხელია UEFA-ს ჩემპიონთა ლიგის მიმდინარე სეზონის საუკეთესო ფეხბურთელად აღიარეს.
ჩემპიონთა ლიგის ფინალი ბუდაპეშტში „პუშკაშ არენაზე“ გაიმართა.
View this post on Instagram
⭕ ასევე დაგაინტერესებთ:
🎥 „ცოლ-შვილს ელოდებოდა და მაგ დროს 7-8 ტყვია გავარდა”- ცნობილია ბათუმში მოკლული კაცის ვინაობა
⭕ საფრანგეთში, „პსჟ“-ს გამარჯვების შემდეგ დაკავებულთა რაოდენობამ 400-ს გადააჭარბა
