ეთერ ლიპარტელიანმა ევროპის ჩემპიონატზე 57 კგ-მდე წონის კატეგორიაში ოქროს მედალი მოიპოვა. თბილისში მიმდინარე ევროპის ჩემპიონატის მეორე საშეჯიბრო დღეს ქართველი ძიუდოისტი ფინალში ისრაელის წარმომადგენელ ტინმნა ნელსონ ლევის შეხვდა და ბოლო 20 წამში ბრძოლა ულამაზესი იპონით მოიგო.
ამ გამარჯვებით ეთერ ლიპარტელიანი პირველი ქართველი ქალი გახდა, რომელმაც ძიუდოში ევროპის ჩემპიონის ტიტული მოიპოვა.
გთავაზობთ ინტერვიუს, სადაც ლიპარტელიანი სიყვარულის შესახებ საუბრობს:
- სიყვარული ეს...
- არის... რამდენი რამის თქმა მინდა და თავს ვერ ვუყრი. პირველ რიგში, ძალაა, რომელიც ყველაზე დიდ მოტივაციას მაძლევს. სიყვარული ერთგულება და მზრუნველობაა. ყველაფერს ვაკეთებ იმისთვის, რომ ჩემი საყვარელი ადამიანი გავახარო. ტატამზე თემოს ხმა რომ მესმის, ყველაზე მეტად მაძლიერებს.
- პირველად რომ შემიყვარდა:
- ჩემი პირველი სიყვარული თემო იყო. 14 წლის ასაკიდან ერთად ვართ. იმ ასაკში ცელქი და ბიჭური ვიყავი, სერიოზულად ამ ურთიერთობას ვერც წარმოვიდგენდი. სულ სადღაც დავფრინავდი. ცოტა დრო რომ გავიდა, გავიზარდე, უფრო ჩამოვყალიბდი... თემოს 2 წელი ვუყვარდი, მე კარიერა უფრო მიზიდავდა, მაგრამ მესიჯების წერაში თანდათან გრძნობა მეც გამიჩნდა.
⭕ ასევე დაგაინტერესებთ:
⭕„გრძელი პაუზა მქონდა“ - ქეთევან ხატიაშვილი ახალ კადრებს გვიზიარებს
