უნგრელი მოდელი ბარბარა პალვინი მშობიარობიდან სულ რაღაც ექვს კვირაში პოდიუმს დაუბრუნდა. 2026 წლის Victoria’s Secret-ის მოდის შოუზე მისი მთავარი გულშემატკივარი და მხარდამჭერი მეუღლე, მსახიობი დილან სპრაუსი იყო.
18 ოქტომბერს, ლოს-ანჯელესში გამართულ ვარსკვლავურ ჩვენებას არაერთი ცნობილი სახე დაესწრო. მედიასთან საუბრისას დილან სპრაუსმა მეუღლე შეაქო და აღნიშნა, რომ ბარბარა შოუსთვის მოსამზადებლად განსაკუთრებულად ბევრს შრომობდა.
„გაოგნებული ვარ იმით, როგორ ახერხებს, ყოველ ჯერზე საკუთარი თავი ასე მობილიზებული ჰყავდეს“, - თქვა დილან სპრაუსმა.
წყვილს პირველი შვილი, ქალიშვილი სილვი, სულ რაღაც ექვსი კვირის წინ შეეძინა. მიუხედავად დედობის პირველი კვირებით გამოწვეული ცვლილებებისა, მოდელმა შეძლო, ერთ-ერთ ყველაზე ცნობილ მოდის შოუში კვლავ მიეღო მონაწილეობა.
დილან სპრაუსმა აღნიშნა, თუ რამდენად დიდი შრომა გასწია მეუღლემ პოდიუმზე დასაბრუნებლად.
ბარბარა პალვინი და დილან სპრაუსი 2018 წლიდან ერთად არიან. წყვილი 2023 წელს დაქორწინდა, 2026 წელს კი პირველი შვილის მშობლები გახდნენ.
⭕ ასევე დაგაინტერესებთ:
⭕კაილი ჯენერი Victoria’s Secret-ის მოდის ჩვენებაზე 50-მილიონიანი Fantasy Bra-თი გამოჩნდა
