მომღერალ ინდირა ჯგერნაიას ცხოვრებაში, წარმატებების პარალელურად, ხშირად იდგა რთული პერიოდები. თუმცა, მათი დაძლევა არ გასჭირვებია და სხვების დახმარების გარეშე, საკუთარი ნიჭითა და შრომით ბევრს მიაღწია.
იგი ჟურნალ „თბილისელებთან“ ბევრ საინტერესო თემაზე საუბრობს, გთავაზობთ ამონარიდს ინტერვიუდან:
– შენს ცხოვრებაში, გარდა წარმატებისა, იყო საკმაოდ რთული დღეებიც. რა გაძლევდა სტიმულს, რომ არ დაცემულიყავი, წინ-წინ გევლო და იმედი გქონოდა?
– რთული პერიოდები, ყველა ადამიანის ცხოვრებაში ხდება და ჩემს ცხოვრებაშიც საკმაოდ ბევრი იყო. ვფიქრობ, უბრალოდ, უნდა შეგეძლოს მათი დაძლევა. ზოგადად, არ არსებობს სირთულე, რომელსაც ადამიანი ვერ გაუმკლავდება, რადგან ყველა სირთულე უფლისგანაა დაშვებული და ის ისეთ განსაცდელს არ მოგივლენს, რასაც ვერ მოერევი. ეს მაქვს ყოველთვის გონებაში ჩაბეჭდილი და ამიტომ, განსაცდელებს მარტივად ვძლევ. რაც მეტი განსაცდელია, მით მეტად ტონუსში მყავს ჩემი თავი, ეს გამოვიმუშავე. ბავშვობიდან დევს ადამიანის კოდში სიძლიერე, რაც წლები გადის, მერე და მერე აღმოაჩენს ამას და ასე მოხდა ჩემს შემთხვევაშიც. ზოგადად, იღბლიანი ნამდვილად ვარ. უფალმა ამხელა ნიჭის პატრონად დამბადა და როგორ შეიძლება, უმადური ვიყო, ან ვთქვა, უიღბლო ვარ-მეთქი. თან, მადლიერი ვარ ყველაფრის, რაც მაქვს და ვინც მყავს გვერდით.
⭕ ასევე დაგაინტერესებთ:
⭕„ყველაფერი, რაც ჩემს ცხოვრებაში ხდება, ამ ქალაქს უკავშირდება“ - აჩიკო ბერიძე ბათუმზე
წყარო: tbiliselebi.ge
