სოფიკო ჭიაურელი - ქალი, რომელმაც ქართული კინოს აღორძინებას სათავე დაუდო, ის ვისი სახელიც იმ პერიოდის საქართველოში იყო სახე წარმატებული ქალის, დედის და მსახიობის, ეს იყო ქალი, რომელმაც ყოფა შეიცვალა, ადამიანთა გულებში კი შეუცვლელი დარჩა დღემდე.
სოფიკოს პირველი მეუღლე კინორეჟისორი გიორგი შენგელაია იყო, ისინი ტოლები იყვნენ. მათი ურთიერთობა მეგობრობით დაიწყო, მერე კი სიყვარულში გადაიზარდა. 19 წლისანი დაქორწინდნენ - ეს იყო 1955 წელი… ჰყავთ 2 შვილი - ნიკუშა და სანდრო.
სოფიკო ჭიაურელი 2008 წლის 2 მარტს ხანგრძლივი ავადმყოფობის შემდეგ 71 წლის ასაკში გარდაიცვალა, თუმცა მისი გარდაცველების შემდეგ მისი სახელი და დიდება არ დასრულებულა.
სოფიკოს შვილი ნიკუშა შენგელაია დედის შესახებ ხშირად საუბრობს და იხსენებს მის როლს ცხოვრებაში და სოფიკოს წარმატების და მძიმე ცხოვრების ეპიზოდებს.
„სოფიკო საერთოდ მეგობრული იყო და ყველას თან გადაყოლა უყვარდა - მეგობარი იყო, კოლეგა, მეზობელი თუ სხვა... ასეთივე იყო შვილებთან!“ - ამბობს ნიკუშა შენგელაია.
ნიკუშა დღეს ცნობილი მხატვარია და ის ერთ-ერთ ინტერვიუში გულდაწყვეტილი ამბობს, რომ სოფიკო ვერ დახატა, ასევე ნიკუშა დედის მიერ დატოვებულ ანდერძს ემოციურად იხსენებს და ცდილობს სოფიკოს სახელი და დიდება პირნათლად გააგრძელოს.
„ყოველდღე მადლობა უთხარი უფალს, როდესაც შენ მზეს დაინახავო და ის დღე უქმად არ დაკარგოო, ისე გაირბენს დრო, ნიკუშა, რომ უკან მოხედვას ვერ მოასწრებო შენ შეგიძლია ბევრად მეტი დატოვო და უფრო მეტი დაიხარჯო ადამინებისთვის, ვიდრე მე გიყურებო... სოფიკოს ეს ანდერძი დღემდე მაწუხებს და ვცდილობ მაქსიმალურად შევუსრულო ის“- ამბობს ნიკუშა შენგელაია.
„არასდროს იფიქრო, რო ვიღაცაზე მეტი ხარ თუ შეგიძლია გააკეთე სიკეთე და გაიარეო“- ეუბნებოდა ნიკუშას დედა.
როგორც ნიკუშა შენგელაია ამბობს, სოფიკო თავადაც ამ გზა ადგა. ამას მაშინ მიხვდა, როდესაც მის დაკრძალვაზე აბსოლუტურად უცნობი მადლიერი ადამიანები მივიდნენ:
„თეატრში, რომ იყო გასვენება ხალხი ფანჯრებიდან ძვრებოდა. სოფიკოს დაკრძალვაზე ახალგაზრდა ქალი შვილთან ერთად მოვიდა, რომელმაც ყურში ჩამჩურჩულა ჩემი შვილის სიცოცხლე სოფიკოს დამსახურებააო. აი, ასე დებდა სიკეთეს და მიდოდა...“- იხსენებს ნიკუშა შენგელაია.
„სოფიკო ძალიან ენერგიული იყო და დაკავებულობის მიუხედავად, შვილების თუ ოჯახის მოვლას ყოველთვის კარგად ახერხებდა. თითქმის ყოველდღე ჰქონდა რეპეტიციები და გადაღებები, მაგრამ ყველაფერს ასწრებდა. მკაცრი არასოდეს ყოფილა, უფრო პედაგოგიურად და მეგობრულად გვზრდიდა. თუ რამეს დავაშავებდით, ყველაზე დიდი სიმკაცრე დედისგან ის იყო, რომ მთელი დღე გაგვებუტებოდა და ხმას არ გვცემდა. მაშინ ვხვდებოდით, რომ ცუდად მოვიქეცით... საერთოდ არ იცოდა დაყვირება და გაბრაზება. აღმზრდელობითი, სრულიად სხვანაირი დამოკიდებულება ჰქონდა. სოფიკო საერთოდ მეგობრული იყო და ყველას თან გადაყოლა უყვარდა –მეგობარი იყო, კოლეგა, მეზობელი თუ სხვა... ასეთივე იყო შვილებთან!“- ამბობს ნიკუშა.
ეკა ჭიჭინაძე ნიკუშა შენგელაიას მეუღლე და შესაბამისად, სოფიკო ჭიაურელის რძალია.
ერთ-ერთ ინტერვიუში ეკა დედამთილის ხასიათის შესახებ ჰყვება და საუბრობს რის გამო დასცინოდა რძალს სოფიკო.
„სოფიკოს არ ახასიათებდა რჩევა-დარიგებების მოცემა, თუ რაიმეს შეეკითხებოდი, ამომწურავად და საინტერესოდ გიპასუხებდა, მაგრამ დაჯდომა და ჭკუის დარიგება არ სჩვეოდა. მე თუ მკითხავთ, სწორადაც იქცეოდა. საერთოდაც, არ ერეოდა არავის ცხოვრებაში, მათ შორის არც საკუთარი შვილის. თუ დახმარებისთვის მიხვიდოდი მასთან, ყველაფერში გამოგიწვდიდა ხელს, თავისუფლებას ანიჭებდა ყველას. ეს გახლდათ ადამიანი, ვისაც ყველა უყვარდა, არ მახსოვს, მას ვინმეზე რაიმე ცუდი ეთქვა. რაც დრო გადიოდა, მასთან ურთიერთობას აღფრთოვანებაში მოვყავდი. ოთარაანთ ქვრივივით ძლიერი იყო, მარტივად ვერავინ მოახერხებდა მისი წყობიდან გამოყვანას. ამასთანავე, იყო ძალიან ჭკვიანი. ახლა რომ გადავხედავ ხოლმე მის ცხოვრებას, კიდევ ერთხელ ვრწმუნდები, რომ ყველა მისი ნაბიჯი და საქციელი ძალიან ჭკვიანური იყო. მართალი და სწორი ადამიანი იყო. აქედან გამომდინარე, მეც ვცდილობ, ყველაფერი კარგად გავაკეთო. გამოგიტყდებით და როცა რამეს ვაკეთებ, ვფიქრობ, ეს სოფიკოს მოეწონებოდა თუ იტყოდა, ეს რა უბედურებააო (იღიმება), ეს შეგრძნება ალბათ მთელი ცხოვრების განმავლობაში მექნება“- ამბობს ეკა ჭიჭინაძე.
სოფიკო, უმძიმეს დაავადებას ებრძოდა და ცხოვრების ბოლო პერიოდი ქიმიების და საზღვარგარეთ მკურნალობაში გაატარა.
როგორც ეკა ჭიჭინაძე ერთ-ერთ ინტერვიუში ამბობდა, სოფიკო იმედიანად იყო და ფიქრობდა, რომ 5-6 წელი მაინც იცოცხლებდა.
„იცოდა, როგორ არ იცოდა, მაგრამ დარწმუნებული იყო, რომ მოერეოდა. ფიქრობდა, რომ 5-6 წელი კიდევ იცოცხლებდა და დიდი ენთუზიაზმით მკურნალობდა, სულ მოლოდინში იყო, ფიქრობდა, ახლა მკურნალობის ამ კურსს დავამთავრებ და კარგად ვიქნებიო. არასდროს დაუწუწუნია, ძლიერი ტკივილები ჰქონდა, მაგრამ ცდილობდა არ გამოეხატა, არ იყო ბუნებით წუწუნა. ბოლომდე იბრძოდა, ეგონა, რომ დრო კიდევ ჰქონდა, მაგრამ ამ საშინელმა ავადმყოფობამ დანდობა არ იცის“- ამბობს სოფიკო ჭიარელის რძალი.
Სოფიკოს პირველი მეუღლე კინორეჟისორი გიორგი შენგელაიას გარდა მეორე სიყვარული 1972 წლიდან ეწვია. კ
ოტე მახარაძე სოფიკოს გულისმპყრობელი აღმოჩნდა. 1980 წელს დაქორწინდნენ და Წყვილმა ერთად 30 წელი იცხოვრა.
🔘 აგრეთვე წაიკითხეთ სხვა საინტერესო ამბები⤵️
ყველა ქალი, ვისაც სააკაშვილის საყვარლობას მიაწერდნენ
პირველი ცოლი, ქუჩური ცხოვრება და კარიერა - მამულიჩას უცნობი ისტორიები
