🌊 🌄 უბრალო თუ ვარსკვლავური დასვენება – როგორ და სად ატარებენ ქართველი სელებრითები ზაფხულის ცხელ დღეებს

 ხვიჩა კვარაცხელია და ნიცა თავაძე

საქართველოს ეროვნული ნაკრების და „პსჟ“-ს ფეხბურთელმა, ხვიჩა კვარაცხელიამ და მისმა მეუღლემ, ნიცა თავაძემ, უპირატესობა ზღვაზე დასვენებას მიანიჭეს. წყვილი სოციალურ ქსელში თავიანთ საზაფხულო ფოტოებს ხშირად აზიარებს, რომლებზეც ჩანს, რომ ისინი მშვენივრად ერთობიან და შესანიშნავი რუჯიც აქვთ.

გიორგი გველესიანი და ლინდა კიკოლაშვილი

საქართველოს ეროვნული ნაკრებისა და ირანული კლუბი „პერსეპოლისის“ ფეხბურთელი, გიორგი გველესიანი, მეუღლესთან, ლინდა კიკოლაშვილთან ერთად, ზაფხულის სეზონს ესპანეთის მზიან სანაპიროზე ატარებს.

წყვილი სოციალურ ქსელებში ხშირად აქვეყნებს ფოტოებს ზღვისპირა კურორტიდან, სადაც აშკარად ჩანს მათი დასვენების განწყობა.

ანა მიქაუტაძე

ცოტა ხნის წინ საქართველოს ეროვნული ნაკრების ფეხბურთელის, გიორგი მიქაუტაძის და, ანა მიქაუტაძე, რჩეულზე, გიორგი ჩხიკვაძეზე დაქორწინდა. წყვილმა ზღაპრული ქორწილი საფრანგეთის ლაჟვარდოვან სანაპიროზე, ნიცაში გადაიხადა, სადაც სტუმრები ელეგანტური გარემოსა და განსაკუთრებული ატმოსფეროს მოწმენი გახდნენ.

ჯვარი ანამ და გიორგიმ საქართველოში დაიწერეს, სადაც ასევე ტრადიციული ქართული ქორწილი გაიმართა - ეროვნული ელემენტებითა და თბილი ოჯახური გარემოთი.

ახალდაქორწინებული წყვილი ამჟამად კვლავ საქართველოში იმყოფება და თაფლობისთვეს კახეთის მზიან გარემოში, ახლობლებისა და მეგობრების წრეში ატარებს. ანა სოციალურ ქსელებში აქტიურად აზიარებს ფოტოებს, სადაც ჩანს, რომ ახალდაქორწინებულები შესანიშნავი განწყობით ტკბებიან ზაფხულის ცხელ დღეებით, ბუნებითა და ღვინის მხარის რომანტიკული გარემოთი.

თაკო ჩორგოლაშვილი

ტელეწამყვანმა თაკო ჩორგოლაშვილმა ზაფხულის გატარება ოჯახურ გარემოში გადაწყვიტა და დასასვენებლად ქალიშვილთან და დედასთან ერთად საბერძნეთში გაემგზავრა.

სოციალურ ქსელში გამოქვეყნებული ფოტოებიდან ჩანს, რომ სამმა თაობამ შესანიშნავი დრო გაატარა ხმელთაშუა ზღვის მზითა და ზღვისპირა ბუნებით ტკბობაში. თაკოს ზღვისპირა ლუქები, თბილი ოჯახური კადრები და მზიანი ემოციები ხაზს უსვამს, რომ ზაფხული მისთვის სიმშვიდისა და ბედნიერების მოტანი აღმოჩნდა.

მარიამ შენგელია

მომღერალი მარიამ შენგელია ზაფხულის ცხელი დღეების გასატარებლად თურქეთს ესტუმრა, სადაც მეგობრების წრეში დასვენებით ტკბებოდა. როგორც სოციალურ ქსელში გამოქვეყნებული ფოტოებიდან ჩანს, მან მართლაც არაჩვეულებრივი დრო გაატარა – მარიამი ენერგიული, მხიარული და დასვენებული ჩანს კადრებში, რაც კიდევ ერთხელ ადასტურებს, რომ მისი საზაფხულო განწყობა მაქსიმალურად პოზიტიური და სიხარულით სავსე იყო.

თათია თექთურმანიძე

ცნობილმა მოდელმა თათია თექთურმანიძემ ზაფხულის გატარება საქართველოს საზღვრებს გარეთ გადაწყვიტა და დასასვენებლად დუბაიში გაემგზავრა. როგორც სოციალურ ქსელებში გამოქვეყნებული ფოტოებიდან ირკვევა, თათიამ ულამაზესი კადრები გაგვიზიარა არაბეთის შეიხთა აღმოსავლური ფუფუნებით სავსე ქალაქიდან.

მოდელი კადრებში სხვადასხვა ლოკაციაზე პოზირებს – დუბაის ცათამბჯენების ფონზე, სანაპიროზე და მდიდრულ სასტუმროებში. მისი ჩაცმულობა, გრაციული პოზები და ზოგადად ესთეტიკურად გაფორმებული ფოტოები აშკარად უსვამს ხაზს მის პროფესიულ სტილსა და დახვეწილ გემოვნებას.

რუსკა ქარქაშაძე

მსახიობი და ტელეწამყვანი რუსკა ქარქაშაძე, მიუხედავად დატვირთული გრაფიკისა და ოჯახური ვალდებულებებისა, დრო ყოველთვის პოულობს დასვენებისთვის.

როგორც ცნობილია, ის მეუღლესთან ერთად ხშირად მოგზაურობს და თავიანთი მოგზაურობებიდან საინტერესო და შთამბეჭდავ კადრებსაც სიამოვნებით უზიარებს გამომწერებს.

ზაფხულის ცხელ დღეებში რუსკამ ოჯახთან ერთად თურქეთის ერთ-ერთ პოპულარულ კურორტს, ანტალიას, მიაშურა. 

მზიანი დღეები, ზღვისპირა ხედები და თბილი ოჯახური მომენტები რუსკას გამომწერებისთვის არა მხოლოდ დასვენების განწყობას ქმნის, არამედ ინსპირაციის წყაროც ხდება - როგორ შეიძლება შეათავსო კარიერა, ოჯახი და ცხოვრებისგან სიამოვნების მიღება.

თაკო ნაცვლიშვილი და ნინო ცქიტიშვილი

ცნობილი მოდელი თაკო ნაცვლიშვილი და დიზაინერი ნინა ცქიტიშვილი ზაფხულის სეზონს საბერძნეთის ერთ-ერთ ყველაზე პოპულარულ და ლამაზ კუნძულზე, მიკონოსზე ატარებენ.

სოციალურ ქსელებში მათ არაჩვეულებრივ ფოტოებს ვხვდებით, სადაც დედა-შვილი მზიან სანაპიროებს, ლურჯ ზღვასა და მიკონოსის დამახასიათებელ თეთრ სახლებს ფონად იყენებს. კადრებში თაკო და ნინა არ იშურებენ ულამაზეს ლუქებს, რაც კიდევ ერთხელ ხაზს უსვამს მათ დახვეწილ გემოვნებას და მოდისადმი განსაკუთრებულ დამოკიდებულებას.

ირაკლი მაქაცარია და ლიზა ჩიჩუა

ტელეწამყვანი ირაკლი მაქაცარია და ლიზა ჩიჩუა ამ ზაფხულს თურქეთის ერთ-ერთ ყველაზე პოპულარულ კურორტ ბოდრუმში ისვენებენ. ისინი საზაფხულო ამინდისა და ლურჯი ზღვის ფონზე სოციალურ ქსელებში ულამაზეს ფოტოებს გვიზიარებენ, რომლებიც მათ მსუბუქ, განტვირთულ და მხიარულ განწყობას ამჟღავნებს.

სასტუმროში მათთან ერთად იმყოფება ასევე, მოდელი და ტელეწამყვანი მანიკა ასათიანი, რომელიც მეუღლესთან ერთად ისვენებს.

ბარბი კირკიტაძე

მომღერალი ზაფხულის ცხელ დღეებს იმერეთის ერთ-ერთ სოფელში, სახელწოდებით საჯავახო, მშვიდი დასვენებით ატარებს. საჯავახო, თავისი ულამაზესი ბუნებითა და გარემოთი, ბოლო დროს პოპულარული კურორტი გახდა, სადაც სიმშვიდე და ავთენტურობა იდეალურად ერწყმის ერთმანეთს.

ბაბი ხშირად აზიარებს ფოტოებს აუზთან, წითელ საცურაო კოსტიუმში და ულამაზესი დასის ფონზე პოზირებს. მის კადრებში აშკარად იგრძნობა ბუნების და სიმშვიდის სიყვარული.

შორენა ბეგაშვილი

ცნობილი მოდელი შორენა ბეგაშვილი ზაფხულის სეზონს პარიზში ატარებს. სოციალურ ქსელებში ის აქტიურად აზიარებს ფოტომასალებს, სადაც ჩანს პარიზის ულამაზესი ხედები, რესტორნები და ქუჩის მოდური სტილი. შორენა ქალაქის დახვეწილი ატმოსფეროთი და კულტურით ტკბება.

⭕ ასევე დაგაინტერესებთ:

⭕ „რა სილამაზე ხარ...“ - რუსა ჩაჩუა თეთრ კაბაში ბრწყინავს

⭕„უნდა ვავარჯიშოთ ჩვენი თავი მუდამ სიკვდილზე ფიქრით...“ - რას წერს დეკანოზი თეოდორე გიგნაძე

🎥 „გავთავხედდი...ასე უტიფრად ვიმღერე...“ - ნინი შერმადინის საოცარი შესრულება