რეკომენდაცია დარჩა, აკრძალვა მოიხსნა, – ქუჩაში პირბადის არ ტარებისთვის აღარ დავჯარიმდებით.
როგორ უნდა მოიქცეთ, როდესაც კორონავირუსი კვლავ არის, აცრილები არ ვართ და პირბადის ტარებაც სავალდებულო აღარაა. ამ კითხვას ინფექციონისტი მარინა ენდელაძე პასუხობს.
„დადგა დრო, როდესაც ასე თუ ისე, რეგულაციები თანდათან უნდა მოიხსნას. მე ვფიქრობ, სავალდებულო თუ არ არის, მაქსიმალურად უნდა ვეცადოთ, რომ პირბადე მაინც გავიკეთოთ. მაინცდამაინც ჯარიმა უნდა გამოგვიწერონ, პირბადე რომ გვეკეთოს?
ადამიანები უნდა მივხვდეთ, რომ პირბადე ჯერჯერობით გვჭირდება. მესმის, რომ ეს არის სახელმწიფოს გადაწყვეტილება იმ მხრივ, რომ როდესაც არ გიკეთია პირბადე, არ დასაჯონ ადამიანები. მაგრამ თუ ადამიანს არ უნდა, რომ დაისაჯოს და ვირუსიც არ დაემართოს, უნდა გაიკეთონ პირბადე“. – განმარტავს ენდელაძე.
ენდელაძის თქმით, მაშინ, როცა ინდური შტამის უკვე 20 შემთხვევაა დაფიქსირებული, მშვიდად ვერ ვიქნებით.
მაქსიმალურად უნდა ვეცადოთ, რომ პირბადით ვიყოთ.
სახელმწიფომ მიიღო გადაწყვეტილება იმიტომ, რომ მართლა ამდენი შეზღუდვა აღარ შეიძლება და გარკვეულწილად თავისუფლება საჭიროა, მაგრამ ჩვენ თვითონ უნდა მივხვდეთ, რომ ეს თავისუფლება შევიზღუდოდ და თუ დისტანცია დაცული არაა, პირბადე გავიკეთოთ.
ინდური შტამის გავრცელების საშიშროება არის, ამიტომ ჩემი პირადი აზრია, რომ იაროთ მაინც პირბადით.
თუკი ადამიანი ქუჩაში მარტო მიდის, რა თქმა უნდა, არ სჭირდება, მაგრამ დისტანცია თუ არ არის დაცული, პირბადე უნდა გაიკეთოს“. – აღნიშნავს ენდელაძე.
კითხვაზე, რამდენად საშიშია 40 გრადუს ტემპერატურაზე პირბადის ტარება და რამდენად შეიძლება ამან გართულებები გამოიწვიოს, ინფექციონისტი პასუხობს:
„პირბადეს გარკვეულწილად ასე თუ ისე მივეჩვიეთ. ორგანიზმში თავისუფლად შესული ჟანგბადი უკეთესია. დიდ სიცხეში და მზეზე პირბადეც რომ არ გეკეთოთ და დიდხანს იყოს, 40 გრადუსზე შესაძლოა, ადამიანი ცუდად გახდეს. პირბადეში ჰაერი შედის და ქვეყანას არ აქცევს. გადავიტანეთ შარშანდელი ზაფხული, გვეკეთა პირბადე. პირბადე რომც არ გეკეთოს, 40 გრადუსზე არ უნდა იყო“.
აგრეთვე დაგაინტერესებთ:
პედიატრი: ზღაპარია, რომ მარილიანი წყალი და მაგნიტური ქვიშა ძვლოვანი სისტემისთვის სასარგებლოა
რომელი ასაკიდან უჯდებათ სულში ეს ურჩხული? - მაიკო კაჭკაჭიშვილი
„მოსაწევი მოვწიე, გავითიშე და ამ დროს გამაუპატიურა“ - სექსუალური ძალადობის მსხვერპლის ისტორია
