ფრაქცია „ქართული ოცნების“ თავმჯდომარის მოადგილის ლევან მაჭავარიანის განცხადებით, გარე აქტორები ცდილობენ, „ლელო“ და გახარიას პარტია გამიჯნონ „ნაცმოძრაობისგან“ და ახლა ეს სპექტაკლი მიმდინარეობს.

„ჩვენ არც არაფერს შეგვმატებს, თუ ისინი შემოვლენ პარლამენტში და არც არაფერი არ დააკლდება პარლამენტს, თუ ისინი პარლამენტის მუშაობაში არ მიიღებენ მონაწილეობას“, - ამის შესახებ ფრაქცია „ქართული ოცნების“ თავმჯდომარის მოადგილემ ლევან მაჭავარიანმა გიორგი გახარიას პარტიის წევრებზე საუბრისას განაცხადა. როგორც დეპუტატი აღნიშნავს, პირველი 12 წევრისთვის მანდატის შეჩერების შემდეგ, საარჩევნო სიაში მყოფ მომდევნო 12 პირს ექნება შესაძლებლობა, ისარგებლონ მანდატებით.

„ლელო“, „გახარია საქართველოსთვის“ გამალებით ემზადებიან ადგილობრივი თვითმმართველობის არჩევნებისთვის, მაგრამ თავის ამომრჩევლებს ატყუებენ, რომ დიდი რევოლუციონერები არიან, ამოაყირავებენ საქართველოს ისტორიას და სხვა“, - ამის შესახებ პარლამენტის თავმჯდომარემ შალვა პაპუაშვილმა განაცხადა. მისი თქმით, ოპოზიციური პარტიების ამომრჩევლებს ამ ინფორმაციას, სავარაუდოდ, უმალავენ.

თბილისის მერის კახა კალაძის განცხადებით, პარლამენტის საგამოძიებო კომისიაზე გიორგი გახარია ურთიერთსაწინააღმდეგო პასუხებს აფიქსირებდა, რამაც კიდევ უფრო მეტი კითხვა გააჩინა. ამის შესახებ მერმა ჟურნალისტებს შესაბამისი კითხვის პასუხად განუცხადა.

„2012-2016 წლები ბეწვის ხიდზე იარა პირველ რიგში ბიძინა ივანიშვილმა, მთლიანად „ქართული ოცნების“ გუნდმა, განსაკუთრებით ის 4 წელი, რადგან კოალიცია იყო და ეს კოალიცია შედგებოდა მათ შორის ისეთი პოლიტიკური პარტიებისგან, რომლებიც აგენტურით იყო დაკომპლექტებული“, - ამის შესახებ საქართველოს პრემიერ-მინისტრმა ირაკლი კობახიძემ „რუსთავი 2“-თან ინტერვიუში განაცხადა. მთავრობის მეთაურმა აღნიშნა, რომ აქ არ იგულისხმება ყველა, თუმცა კოალიციაში შემავალი პარტიების ლიდერები „დიფ სთეითის“ აგენტურის წარმომადგენლები იყვნენ.

ფრაქცია „ქართული ოცნების“ თავმჯდომარის მოადგილის ლევან მაჭავარიანის განცხადებით, „ქართული ოცნება“ არჩევნებზე გიორგი გახარიას კონკურენტად ვერ განიხილავს, რადგან მას ნულოვანი ფასი აქვს. ლევან მაჭავარიანის თქმით, ოპოზიციამ არჩევნების გაყალბების ვერანაირი მტკიცებულება ვერ წარმოადგინა.

„ნახევარი საქართველო უყურებდა ბატონ გიორგი გახარიას. მან ახალი რეკორდი დაამყარა. პირველი რეკორდი ერთისა და იმავე ფრაზის გამეორებაში ეკუთვნოდა ქალბატონი ზურაბიშვილის საპარლამენტო მდივანს, რომელმაც გამჭვირვალობის შესახებ კანონის განხილვის დროს, როცა იურიდიულ საკითხთა კომიტეტში მუხლობრივი განხილვა მიმდინარეობდა, ალბათ 20-30-ჯერ გამოიყენა სიტყვა „იმიტომ“, რადგანაც მას პასუხი არ გააჩნდა. გუშინ ბატონმა გახარიამ ალბათ ათჯერ უფრო ხშირად გამოიყენა ფრაზა „არ მახსოვს“. იგი გამოიყურებოდა ძალიან დაბნეულად და აკეთებდა განცხადებებს, რომლებიც ერთმანეთს ეწინააღმდეგებოდა“, – განაცხადა პლენარულ სხდომაზე ფრაქცია „ქართული ოცნების“ თავმჯდომარის მოადგილემ, ლევან მაჭავარიანმა. მისი თქმით, 20 ივნისის მოვლენებთან დაკავშირებით გიორგი გახარიამ ვერ აუხსნა საზოგადოებას, თუ რატომ დააპირისპირა პოლიცია მოქალაქეებს და რატომ არ იდგა პარლამენტთან რკინის ჯებირები.

„ჩვენ არც კოჰაბიტაცია გვინდოდა, არც ნინო ლომჯარიას დანიშვნა, არც სალომე ზურაბიშვილის გაპრეზიდენტება და არც გიორგი გახარიას გაპრემიერება, უბრალოდ, მაშინ მაგდენი პოლიტიკური ჯანი არ გვქონდა და ჩვენი სუვერენიტეტი განმტკიცებული არ იყო“, - ამის შესახებ ფრაქცია „ქართული ოცნების“ თავმჯდომარის მოადგილემ ლევან მაჭავარიანმა პლენარულ სხდომაზე სიტყვით გამოსვლისას განაცხადა.

„გიორგი გახარია საგამოძიებო კომისიაზე გამოიყურებოდა ძალიან დაბნეული, აკეთებდა განცხადებებს, რომლებიც ერთი მეორეს ეწინააღმდეგებოდა“, - ამის  შესახებ ფრაქცია „ქართული ოცნების“ თავმჯდომარის მოადგილემ ლევან მაჭავარიანმა პლენარულ სხდომაზე სიტყვით გამოსვლისას განაცხადა.

„პასუხისგან თავის არიდების მრავალი მცდელობის მიუხედავად, გიორგი გახარიას ჩვენებით დადასტურდა, რომ ის, როგორც ამ ქვეყნის პრემიერ-მინისტრი, მოქმედებდა არა საქართველოს პარლამენტის მიერ მინიჭებული მანდატით, არამედ ფარულად, უცხო ქვეყნის წარმომადგენლის მითითებით და წუთების დონეზე შეთანხმებულად“, - ამის შესახებ, საქართველოს პარლამენტის თავმჯდომარე  შალვა პაპუაშვილი სოციალურ ქსელში წერს.