„კანონიერი ქურდი“ ბორის პეტროვი, რომელიც კრიმინალურ სამყაროში ცნობილია, როგორც „აპაკელა“  სოხუმის კლანიდან, რუსეთის ქალაქ პენზის ციხეში გარდაცვლილი ნახეს, - ამის შესახებ lenta.ru Prime Crime-ზე დაყრდნობით იუწყება.

მსახიობი გივი სიხარულიძე დაიბადა თბილისში, პედაგოგების ოჯახში. სკოლის დამთავრების შემდეგ სწავლა სასოფლო-სამეურნეო ინსტიტუტში განაგრძო. სწავლის პარალელურად, ვახტანგ ჭაბუკიანის ქორეორგაფიულ სტუდიაში დადიოდა.  1961 წელს სუხიშვილისა და რამიშვილის სახელმწიფო აკადემიური ანსამბლის სოლისტი გახდა. ქორეოგრაფიაში გაწეული ღვაწლისთვის 70 წლის იუბილეზე რაინდის წოდება მიენიჭა. ცხოვრების ჯანსაღი წესის მიმდევარი მსახიობი სპორტითაც სერიოზულად იყო გატაცებული. საქართველოს პრიზიორი წყლის თხილამურებში, ტანმოვარჯიშე და ჩოგბურთელი - ასეთია გივი სიხარულიძის სპორტულ მიღწევათა ჩამონათვალი.

მართლმადიდებლური სამყარო, 19 იანვარს ნათლისღებას აღნიშნავს. ნათლისღება, თორმეტ საუფლო საეკლესიო დღესასწაულთაგან ერთ-ერთი უძველესი ქრისტიანული დღესასწაულია. სახარების მიხედვით, ეს დღესასწაული უკავშირდება მდინარე იორდანეში იოანე ნათლისმცემლის მიერ მაცხოვრის ნათლისღებას, ანუ მონათვლას, სწორედ ამ დღიდან იღებს სათავეს ნათლობის წესი და საეკლესიო პირველი საიდუმლო.   დღეს, ნათლისღების დღესასწაულზე აქტუალური თემა, ნათლია და ნათლულების ურთიერთობაა და საინტერესოა როგორი ნათლიები არიან ცნობილი სახეები? საინტერესოა რამდენი ნათლული ჰყავს გია ჯაჯანიძეს და როგორი ნათლიაა იგი? ტელეწამყვანმა საკუთარი ნათლიებიც გაიხსენა და აღნიშნა, რომ სამი ნათლია ჰყავდა, რომელთა შორის ერთ-ერთი ე.წ. კანონიერ ქურდი იყო.

საბერძნეთში მასობრივი ძარცვის ბრალდებით საქართველოს 7 მოქალაქე სპეცოპერაციის დროს აიყვანეს. გავრცელებული ინფორმაციით, ათენში და მის მიმდებარე ქალაქებში ძარცვის სქემას ე.წ. კანონიერი ქურდი, 41 წლის ირაკლი ხოხიაშვილი, იგივე ირაკლი „ქუთაისკი“ ხელმძღვანელობდა. ე.წ. კანონიერ ქურდთან ერთად დაკავებულები არიან მისი გარემოცვის წევრები. ყველა მათგანი საბერძნეთში რამდენიმე წლის წინ წავიდა და წარსულში სამართლებრივი პრობლემების გამო, მათ უმრავლესობას პერსონალური მონაცემები შეცვლილი აქვს.

ამერიკის შეერთებულ შტატებში ფულის გამოძალვის ბრალდებით ქართული კრიმინალური დაჯგუფების წევრები დააკავეს. ინფორმაციას ნიუ-იორკის სამხრეთ ოლქის პროკურატურა ავრცელებს. განცხადების მიხედვით, დაკავებულები არიან ე.წ. კანონიერი ქურდი ვაჟა გაბადაძე, იგივე „ნათან იუსუპოვი“, კახა კაცაძე, თეიმურაზ თავბერიძე იგივე „თავა“, დავით ტიკარაძე.

ყირგიზეთის დედაქალაქ ბიშკეკში სპეცსამსახურის წარმომადგენლებმა „კოლია ყირგიზის“ სახელით ცნობილი კრიმინალური ავტორიტეტი კამჩიბეკ კოლბაევი მოკლეს, რომელიც ამერიკის ხელისუფლებას მსოფლიოში ყველაზე მსხვილი ნარკომოვაჭრეების სიაში ჰყავდა შეყვანილი. 49 წლის კოლბაევი ყირგიზეთში პირველი „კანონიერი ქურდი“ იყო.

ოკუპირებულ აფხაზეთში, გუდაუთის რაიონში, სოხუმელი ე.წ. „კანონიერი ქურდი“ თემურ ახუბა, მეტსახელად „დინ რიდი“ მოკლეს. ამის შესახებ ინფორმაციას Eadaily ავრცელებს. მედიის ცნობით, აღნიშნულ ფაქტთან დაკავშირებით, თვითგამოცხადებული აფხაზეთის რესპუბლიკის შინაგან საქმეთა მინისტრმა, რობერტ კიუტმა, ოპერატიულ-სამძებრო სამუშაოების კოორდინაციის შესახებ შეხვედრა გამართა და ოპერატიული შტაბიც შექმნა.

საქართველოს პროკურატურამ ,,ქურდული სამყაროს“ წევრობისთვის, ,,ქურდული სამყაროს“ საქმიანობის მხარდაჭერის და ,,კანონიერი ქურდისთვის“ მიმართვის ფაქტებზე, 13 პირს ბრალდება წარუდგინა, - ამის შესახებ აღნიშნულია გენერალური პროკურატურის მიერ გავრცელებულ ინფორმაციაში. საქართველოს შინაგან საქმეთა სამინისტროში ჩატარებული გამოძიებით დადგინდა, რომ ,,ქურდული სამყაროს“ წევრები, ,,ქურდული სამყაროს“ საქმიანობის მხარდამჭერების აქტიური ჩართულობით ,,ქურდულ გარჩევებს“ აწყობდნენ, მოქალაქეებს შორის არსებულ ქონებრივ დავებს იხილავდნენ, მხარეების ქმედებებს აფასებდნენ და მატერიალური სარგებლის გადაცემას ითხოვდნენ.

მონტენეგროს პოლიციამ წარმოშობით თბილისელი, 59 წლის კანონიერი ქურდი გიორგი მანუკიანი, მეტსახელად ჟორა ტბილისკი“ დააკავა. ამის შესახებ „ეხო კავკაზა“ იუწყება.

შინაგან საქმეთა სამინისტროს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს დამნაშავეთა სამყაროს წინააღმდეგ ბრძოლის სამმართველოს თანამშრომლებმა, გენერალურ პროკურატურასთან ერთად ჩატარებული კომპლექსური ოპერატიული და საგამოძიებო ღონისძიებების შედეგად, თბილისში, ქუთაისსა და სვანეთში 13 პირი დააკავეს. აღნიშნულის შესახებ განცხადებას შინაგან საქმეთა სამინისტრო ავრცელებს.