ჟურნალისტი თაკო მელიქიშვილი, რომელიც ბოლო პერიოდში ასტროლოგიით აქტიურად დაინტერესდა და შესაბამისი განათლებაც მიიღო, სოციალურ ქსელში ხშირად აქვეყნებს ასტროლოგიურ თემებზე პოსტებსა და ვიდეოებს. იგი საზოგადოებას ხშირად უზიარებს რჩევებსა და რეკომენდაციებს.
ამჯერად მელიქიშვილი 11 ივლისის ასტროლოგიურ პროგნოზს აქვეყნებს:
„ჰოროსკოპი 11 ივლისისთვის
მთვარის დღე — 16 / 17
ფაზა — კლებადი მთვარე თხის რქასა და მერწყულში
ვერძი
დღეს ბევრი რამ თქვენს კარგ განწყობაზეა დამოკიდებული. ერიდეთ ნეგატიურ ადამიანებს და ნუ დაივიწყებთ საკუთარ ინტერესებს — სხვებისთვის მსხვერპლის გაღება არ იქნება დაფასებული. საინტერესო საქმე სიამოვნებას მოგიტანთ.
კურო
პრიორიტეტი მიანიჭეთ იმ საქმეებს, რომლებიც პროფესიულად ან ფინანსურად სარგებელს მოგიტანთ. ნაკლებად მნიშვნელოვანი საქმეები მოიცდის. ახლობლებთან ურთიერთობაში სიფრთხილეა საჭირო — დაიცავით მოთმინება და ტაქტი.
ტყუპები
ემოციური ფონი მომატებულია, ამიტომ რთული საქმეები ჯობს სხვა დროისთვის გადადოთ. აკონტროლეთ გრძნობები და დარჩით პროფესიონალად. შეიძლება მიიღოთ საინტერესო წინადადება თანამშრომლობის შესახებ.
კირჩხიბი
წარმატებული და ნაყოფიერი დღეა. თამამად შეუდექით იმ პროექტებს, რომლებიც ადრე გადადეთ. მოსალოდნელია სასიამოვნო სიურპრიზები. მცირე უსიამოვნებები სწრაფად გადაწყდება, თუ ემოციებს აკონტროლებთ.
ლომი
ახალი პროექტებისთვის კარგი დროა. ყურადღება მიაქციეთ გადაუდებელ საქმეებს. კრიტიკა და შენიშვნები მოსალოდნელია, მაგრამ ნუ განაწყენდებით — თქვენი ენერგია ყველა დაბრკოლების დაძლევაში დაგეხმარებათ.
ქალწული
წარმატების დღეა — ყველაზე რთულ საქმესაც კი მარტივად გაუმკლავდებით. ახალ ნაცნობებში ფრთხილად უნდა იყოთ — ნუ ენდობით ყველას. მოსალოდნელია მოულოდნელი ფინანსური შემოსავალი. საინტერესო შემოთავაზებებს დაუფიქრებლად არ უარყოთ.
სასწორი
დღეს რთული საქმეები დაგეგმეთ — იღბალი თქვენ მხარესაა. სწორი დაგეგმვა დაგეხმარებათ მეტის მოსწრებაში. სამუშაო გარემოში შეგიძლიათ ავტორიტეტი გაიმყაროთ. ყურადღება მიაქციეთ სიტყვებს.
მორიელი
ნაყოფიერი დღეა. გაუმკლავდებით რთულ და უცნობ საქმეს. შეგიძლიათ ერთდროულად რამდენიმე საკითხიც კი მოაგვაროთ. ლიდერული უნარების გამოვლენა განსაკუთრებით წარმატებული იქნება. პირად ცხოვრებაში — ჰარმონია.
მშვილდოსანი
დილიდანვე დაგეუფლებათ სურვილი — სიახლე და კაშკაშა ემოციები. შეხვედრები შთამბეჭდავი იქნება. შესაძლოა, მნიშვნელოვანი ადამიანი გაიცნოთ. საღამოს წადით სპორტზე ან დაპატიჟეთ საყვარელი ადამიანი პაემანზე.
თხის რქა
ყველა გარემოში ყურადღების ცენტრში იქნებით. თქვენი ხიბლი და მიმზიდველობა სასარგებლო კავშირებს და სპონსორებს მოიზიდავს. არ თქვათ უარი არც საქმიან და არც პირად შეთავაზებებზე — ისინი მოგებიანი იქნება.
მერწყული
დილიდანვე მოემზადეთ აქტიური დღისათვის. სამუშაო რიტმში ჩაერთეთ რაც შეიძლება მალე. ნუ გადატვირთავთ თავს — რეალურად შეაფასეთ თქვენი რესურსები და შესაძლებლობები, რომ არ გაიჭედოთ.
თევზები
მნიშვნელოვანი გადაწყვეტილების მიღებისას ნუ იჩქარებთ. კარგად გადაამოწმეთ ყველა რისკი. დღეს დაშვებული შეცდომა შესაძლოა ძვირი დაგიჯდეთ. ენერგიული და მოტივირებული ადამიანები დაგეხმარებიან შთაგონებაში და განწყობის ამაღლებაში“, - წერს თაკო მელიქიშვილი.
ასევე დაგაინტერესებთ:
