23 სექტემბერს, საქართველოს დროით 04:22 საათზე, სამყაროში შემოდგომის ბუნიობა {დღეღამტოლობა} დგება - მომენტი, როდესაც დღე და ღამე ხანგრძლივობით ტოლდება, ხოლო მზე სასწორის კარდინალურ ნიშანში გადადის.
ასტროლოგიურად ეს მოვლენა ენერგეტიკულად უმნიშვნელოვანეს გარდატეხას, ჰარმონიის მიღწევის შანსსა და ახალი სეზონური ციკლის დასაწყისს აღნიშნავს.
სპეციალისტების თქმით, ეს პერიოდი თითოეულ ზოდიაქოს ნიშანს აიძულებს, გადახედოს პირად საზღვრებს, დააბალანსოს შინაგანი სამყარო და მიიღოს მნიშვნელოვანი გადაწყვეტილებები.
ასტროლოგიური პროგნოზი ზოდიაქოს ნიშნებისთვის:
ცეცხლის სტიქია {ვერძი, ლომი, მშვილდოსანი}
ვერძი: მზის სასწორში გადასვლა თქვენს ოპოზიციურ, მე-7 სახლს ააქტიურებს. დროა, ყურადღება პირად და საქმიან პარტნიორობაზე გადაიტანოთ. დათმეთ ეგოცენტრიზმი და ისწავლეთ კომპრომისზე წასვლა.
ლომი: ბუნიობის ენერგია ახალ კომუნიკაციებს, მოკლევადიან მგზავრობებსა და იდეების გაცვლას უწყობს ხელს. ხელსაყრელი პერიოდია სწავლისთვის, ხელშეკრულებების გაფორმებისა და ძველი უთანხმოებების მოსაგვარებლად.
მშვილდოსანი: ყურადღების ცენტრში ექცევა სოციალური წრე, მეგობრები და სამომავლო გეგმები. გაჩნდება ახალი პროექტების წამოწყების შანსი, რომლებიც კოლექტიურ შრომას მოითხოვს.
მიწის სტიქია {კურო, ქალწული, თხის რქა}
კურო: აქცენტი გადადის ყოველდღიურ რუტინაზე, ჯანმრთელობასა და სამუშაო გარემოზე. კარგი პერიოდია მავნე ჩვევებისგან გათავისუფლებისა და ორგანიზმის გაჯანსაღებისთვის.
ქალწული: მზე ტოვებს თქვენს ნიშანს და გადადის ფინანსურ სექტორში. დროა, დააბალანსოთ შემოსავლები და გასავლები, გადახედოთ რესურსებს და დააფასოთ საკუთარი შრომა.
თხის რქა: კარიერული წინსვლისა და სოციალური სტატუსის ზონა აქტიურდება. ბუნიაობა მოგიწოდებთ, აიღოთ პასუხისმგებლობა ახალ პროექტებზე და მტკიცედ იმოქმედოთ დასახული მწვერვალებისკენ.
ჰაერის სტიქია {ტყუპები, სასწორი, მერწყული}
ტყუპები: შემოქმედებითი აღმავლობის, სიყვარულისა და თვითგამოხატვის პერიოდია. გაიზრდება რომანტიკული განწყობა და სურვილი, აკეთოთ ის, რაც სულსა და გულს ახარებს.
სასწორი: თქვენი ასტროლოგიური ახალი წელი იწყება! მზის თქვენს ნიშანში შესვლა მომატებულ ენერგიას, შინაგან ჰარმონიასა და თავდაჯერებულობას განიჭებთ. დროა, იზრუნოთ საკუთარ იმიჯსა და პიროვნულ მიზნებზე.
მერწყული: მსოფლმხედველობის გაფართოების, მოგზაურობისა და სულიერი ძიებების ეტაპია. მოსალოდნელია მნიშვნელოვანი სიახლეები განათლებისა და იურიდიული საკითხების მიმართულებით.
წყლის სტიქია {კირჩხიბი, მორიელი, თევზები}
კირჩხიბი: ყურადღების ცენტრში ოჯახი, სახლი და შინაგანი უსაფრთხოების განცდა ექცევა. კარგი დროა საცხოვრებელი გარემოს მოწესრიგებისა და ახლობლებთან ურთიერთობის გაღრმავებისთვის.
მორიელი: ბუნიაობა მოგიწოდებთ შინაგანი ინტროსპექციისკენ. სასწორის ენერგია თქვენს მე-12 სახლს ეხება - დროა დასვენების, მედიტაციის, ძველი ტრავმებისგან გათავისუფლებისა და ძალების აღდგენისთვის.
თევზები: ფინანსური და ემოციური ტრანსფორმაციის პერიოდია. ყურადღება მიაქციეთ ერთობლივ რესურსებს, ვალდებულებებსა და ღრმა, ნდობაზე დაფუძნებულ კავშირებს.
⭕ ასევე დაგაინტერესებთ:
