„ჩვენ არც კოჰაბიტაცია გვინდოდა, არც ნინო ლომჯარიას დანიშვნა, არც სალომე ზურაბიშვილის გაპრეზიდენტება და არც გიორგი გახარიას გაპრემიერება, უბრალოდ, მაშინ მაგდენი პოლიტიკური ჯანი არ გვქონდა და ჩვენი სუვერენიტეტი განმტკიცებული არ იყო“, - ამის შესახებ ფრაქცია „ქართული ოცნების“ თავმჯდომარის მოადგილემ ლევან მაჭავარიანმა პლენარულ სხდომაზე სიტყვით გამოსვლისას განაცხადა.
როგორც დეპუტატი აცხადებს, ახლა ყველა ტიპის გადაწყვეტილება, რომელიც საქართველოს ეხება - საქართველოშივე მიიღება.
„ძალიან ხშირია შეკითხვა თუ რატომ დაწინაურდა 20 ივნისის შემდეგ გიორგი გახარია. ბოდიშს ვიხდით საზოგადოების წინაშე, უბრალოდ, საზოგადოება უნდა შემოვიდეს ჩვენს მდგომარეობაში.
ჩვენ, არც კოჰაბიტაცია გვინდოდა, არც ნინო ლომჯარიას დანიშვნა, არც სალომე ზურაბიშვილის გაპრეზიდენტება და არც გიორგი გახარიას გაპრემიერება. უბრალოდ, მაშინ მაგდენი პოლიტიკური ჯანი არ გვქონდა და ჩვენი სუვერენიტეტი განმტკიცებული არ იყო. ამაზე დრო მოვა და უფრო დეტალურად ვესაუბრები საზოგადოებას.
შესაბამისად, ახლა ყველა ხდება, ჩვენ არაფერს არავის არ ვეკითხებით და არ ვითვალისწინებთ. ყველა ტიპის გადაწყვეტილება, რომელიც ეხება ჩვენს ქვეყანას - საქართველოშივე მიიღება“, - აღნიშნავს მმართველი გუნდის დეპუტატი.
⭕ ასევე დაგაინტერესებთ:
