ზაფხული ჩვენი სახის კანზე ხშირად ტოვებს მზისგან წარმოქმნილ ლაქებსა და სიმშრალეს. შემოდგომის დადგომა კი საუკეთესო დროა, რათა სწორი მოვლის საშუალებებით კანის ჯანმრთელობა და ბუნებრივი ბზინვარება აღვადგინოთ.
დეტალურად თუ როგორ მოვუაროთ კანს და რა პროცედურები უნდა ჩავიტაროთ შემოდგომაზე - გადაცემაში „დილა მშვიდობისა საქართველო“ დერმატო-ვენეროლოგმა ნინო სანოძემ ისაუბრა და საზოგადოებას მნიშვნელოვანი რეკომენდაციები გაუზიარა:
„ზაფხულის პერიოდში რაც არ უნდა დავემალოთ მზეს, სულ რომ 15-20 წუთი მოგვიწიოს გარეთ ყოფნა, ნამზეურს მაინც ვიღებთ. თუ არ ვიყენებთ მზისგან დამცავ საშუალებებს, შემოდგომაზე მივიღებთ პიგმენტურ ლაქებს, ნაოჭებს.
ითვლება, რომ ნამზეური პიგმენტურ ლაქებს ფარავს, სინამდვილეში მაინც ჩანს.
ბრძოლისთვის მუდმივად გვჭირდება:
- მზისგან დამცავი, არ აქვს მნიშვნელობა სეზონს.
- ამქერცლავი საშუალებების გამოყენება.
შემოდგომას, როცა მზე გადავა, შეგვიძლია „პილინგები“ გამოვიყენოთ.
კანს რეგენერაციის უნარი აქვს, ამიტომ 2-3 კვირაში ნამზეური თავად იწყებს აქერცვლას, მკვდარ უჯრედებს თავად ასუფთავებს ჩვენი კანი“, - ამბობს ნინო სანოძე.
ასევე დაგაინტერესებთ:
