„გილოცავთ ძვირფასო დებო და ძმებო ნათლისღებას. შეგვაძლებინოს უფალმა, რომ ფართოდ გავუხსნათ ჩვენი გულები საღვთო სინათლეს“, - ამ სიტყვებით მიმართა სამების ტაძარში ნათლისღების დღესასწაულთან დაკავშირებული ქადაგებისას საზოგადოებას საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა მეუფე შიომ (მუჯირი).
„ჭეშმარიტი ნათლისღება ყოვლადწმინდა სამების სახელით, რომელიც შემდგომ უნდა ექადაგათ მოციქულებს, როგორც ამბობს წმინდა იოანე ოქროპირი, მაცხოვარმა დაადგინა სწორედ ამ დღეს. გილოცავთ, ძვირფასო დებო და ძმებო, ნათლისღებას. ნათლისღების მადლს მოაქვს ყოვლადწმინდა სამების მარადისმყოფი ნათელი და ძალა. შეგვაძლებინოს უფალმა, რომ ფართოდ გავუხსნათ ჩვენი გულები საღვთო სინათლეს“, - აღნიშნა მეუფე შიომ.
⭕ ასევე დაგაინტერესებთ:
