დიდ დიღომში, პეტრიწის ქუჩაზე 12 წლის გოგონა გარდაცვლილი იპოვეს.
ცხედარი უკვე სახლშია გადასვენებული.
ქალი, რომელმაც 12 წლის გოგო გარდაცვალებამდე ცოტა ხნით ადრე ნახა, ჟურნალისტთან საუბრისას იმ წუთებს იხსენებს, როდესაც მასთან დიალოგი ჰქონდა.
„დაახლოებით ღამის 11 საათი იყო, მე და ჩემი შვილი ვისხედით და ძაღლი გვყავდა. ქვემოდან ამოვიდა ეს ბავშვი, ჩქარი ნაბიჯებით, რომ შევხედე კი ვიფიქრე ნეტა მარტოა -მეთქი? მოვიდა და დაჯდა საქანელაზე, ვიფიქრე ვიღაცას ელოდება -მეთქი. საქანელაზე ზურგით იჯდა და სახეზე როგორ იყო, შეშფოთებული თუ ანერვიულებელი არ შემიმჩნევია.
მერე ადგა, მოვიდა ჩემთან, მითხრა რა საყვარელიაო და გამიღიმა. მადლობა -მეთქი და წავიდა ისევ ჩქარი ნაბიჯებით.
მშვიდი საღამო იყო, სიწყნარე, ხალხი სეირნობდა. ყოველდღე ძაღლს ვასეირნებ ღამეც და არავინ შემხვედრია, ეგეთი რამე არ ყოფილა“, - აცხადებს palitravideo-სთან საუბრისას დიდ დიღომში მცხოვრები ქალი.
ასევე დაგაინტერესებთ:
