თელავის მუნიციპალიტეტში, სოფელ რუისპირში გვიან ღამით ავტოსაგზაო შემთხვევა მოხდა.
ავარიას 22 წლის ახალგაზრდა, ნოდარ სეთურიძე ემსხვერპლა.
დაღუპულს სოციალურ ქსელში მეგობარი ემშვიდობება:
„ღმერთმა ცათასასუფეველი დაგიმკვიდროს ჩემო ძმაო, თან წაიღე ჩემი გული. საშინელებაა რომ ვეღარ გნახავ, როცა ჩამოვალ.
ყოველთვის მომენატრები და ჩემი დანაკლისი იქნები მთელი ცხოვრება. შენს ლამაზ სულს ვენაცვალე და ღმერთმა ნათელში გამყოფოს. შევხვდებით იმიერში.
მიყვარხარ და დიდი ტკივილი ხარ ჩემო ალალო, სუფთა ადამიანო“, - წერს გარდაცვლილის მეგობარი.
ადგილობრივების ინფორმაციით, ახალგაზრდა კაცს, რომელიც ფეხით გადაადგილდებოდა, მაღალი სიჩქარით მოძრავი მსუბუქი ავტომანქანა დაეჯახა.
შემთხვევის ადგილზე მისულ სასწრაფო-სამედიცინო დახმარების ბრიგადას იგი გარდაცვლილი დახვდა.
შემთხვევის ადგილზე სამართალდამცველები და ექსპერტ-კრიმინალისტები მუშაობდნენ.
ასევე დაგაინტერესებთ:
🎥 „ეს სიმღერა შენ გეძღვნება...“ - რატომ ატირდა ნინი შერმადინი კონცერტის მსვლელობისას
