განათლების, მეცნიერებისა და ახალგაზრდობის მინისტრის კონსულტანტი ზოგადი განათლების საკითხებში გია მურღულია სოციალურ ქსელში მორიგ საინტერესო სტატუსს აქვეყნებს, რომელსაც „დაიჯესტი“ უცვლელად გთავაზობთ:
„ის, ვინც საკუთარ თავს უზომოდ განადიდებს, უკიდურესად ამცირებს კიდეც - ამპარტავნება თანაბრად აკნინებს ჭკვიანსა და სულელს, მდიდარსა და ღარიბს, ძლიერსა და სუსტს, ახალგაზრდასა და მოხუცს, ქალსა და კაცს.
კარგად უნდა დაფიქრდე, რომ თვითრწმენისა და სიამაყის გზიდან ამპარტავნებისკენ არ გადაუხვიო - გჯეროდეს საკუთარი თავის, მაგრამ ნუ გააფეტიშებ მას.
საზოგადოებისა და ქვეყნის ერთიანობას ამპარტავნებაზე დიდი მტერი არ ჰყავს. დაე, სხვებმა ილაპარაკონ შენზე კარგად, შენ საჭირო და სასარგებლო საქმე გააკეთე - ის მის შემოქმედზე უკეთესად მეტყველებს.
ზოგჯერ ტრივიალური ჭეშმარიტებებიც გასახსენებელია - დავიწყება იცის“, - წერს გია მურღულია.
⭕ ასევე დაგაინტერესებთ:
⭕„ძლიერი ქარი, ნალექი, თოვლი…” - ამინდის პროგნოზი კობა ფარტენაძესგან
⭕ქოჩორაშვილმა საგოლე გადაცემა შეასრულა - „ლევანტემ“ „მალაგა“ დაამარცხა
