პოეტი ლაშა მარგიანი ფეისბუკის პირად გვერდზე სირიაში დაღუპული წყვილის ფოტოს აქვეყნებს და წერს, რომ მათი სიკვდილის მაგალითზე ადამიანს შეუძლია სიყვარულის და ღმერთის იწამოს.
„ასე ჩახუტებულები უპოვნიათ ეს ადამიანები,
სირიაში ერთ-ერთი შენობის ნანგრევებში.
რა არის სიცოცხლე? - არ ვიცი.
რა არის სიკვდილი? - არ ვიცი.
რა არის ცხოვრება? - არ ვიცი.
რა არის სიყვარული? - ეს...
როცა ჯვარზე გაკრულ ქრისტეს ვუყურებ,
სულ მინდა ვკითხო:
ღმერთო,
ნეტა როგორი იქნებოდა ცხოვრება,
ჩვენი ცოდვების ნაცვლად,
ჩვენი ტრაგედიები და ტკივილები
რომ გეტვირთა
და გამოგესყიდა - მეთქი...
ვიღაც შეხედავს და იფიქრებს,
რომ ღმერთი არ არსებობს,
რომ ისინი ასე არ დაიხოცებოდნენ,
რომ ღმერთი ამას არ დაუშვებდა,
რომ არ გაწირავდა მათ ასეთი სიკვდილისთვის.
ვიღაც კი შეხედავს
და ღმერთს სწორედ მათი სიყვარულით იწამებს.
ამ სამყაროში არ არსებობს სიყვარულზე უფრო დიდი სასწაული“, - წერს ლაშა მარგიანი.
🔘აგრეთვე დაგაინტერესებთ: