სცენარისტი ქეთი დევდარიანი ფეისბუკის პირად გვერდზე პოსტს აქვეყნებს და ამ სტატუსით სავარაუდოდ, ლევან ბერძენიშვილის მიმართ საზოგადოების ნაწილის მხრიდან გამოხატულ აგრესიას მიუძღვნა. დევდარიანის პოსტს „დაიჯესტი“ უცვლელად გთავაზობთ:
„დღეს სუპერმარკეტში სალაროსთან რიგში ვიღაცამ აუგად მოიხსენია ფარსმან მეორე ქველი, იმდენი მაგის დედას შ***ცი, რაც ეგ ქველი იყოო - გაყვიროდა.
რიგში მდგომი ყველა მომხმარებელი უკიდურესად გამწარდა. ამ პიროვნებას დაუშინეს სანტეს ხაჭოები, აგროჰაბის არაჟნები, სოფლის ნობათის მაწვნები, გორის ვაშლები, ლიკას ტორტები, ღვანკითის კიტრები, ორეოები და როტ-ფრონტის ყარაყუმები. გააგდეს მაღაზიიდან და წაართვეს სუპერმარკეტის ქულების დაგროვების ორი ბარათი.
მოლარე კი, სანამ ჩემს მიერ შესყიდული ზეიკიძის კალბასის კოდს არკვევდა, თავისთვის ბუზღუნებდა - ხო შეიძლება რაღაც წმინდა დაიტოვოთ და მეფეები არ აკრიტიკოთ, ძალიან ძნელია?!“,- წერს ქეთი დევდარიანი.
აგრეთვე დაგაინტერესებთ:
🔵ამ კვირაში სიყვარულის პლანეტა თევზებში გადადის - ვინ რას უნდა ელოდოს რომანტიკულ ურთიერთობებში?
