31 მარტს ზვიად გამსახურდიას დაბადების დღეა. საქართველოს ეროვნული გმირი, მეცნიერ-ფილოლოგი, მწერალი, მთარგმნელი, პოლიტიკოსი, ფილოლოგიის მეცნიერებათა დოქტორი, საქართველოს ეროვნულ-განმათავისუფლებელი მოძრაობის ერთ-ერთი ლიდერი, 1939 წლის 31 მარტს თბილისში დაიბადა. პირველი პრეზიდენტი დღეს 84 წლის გახდებოდა.
🔵 „ჩემი ერთადერთი პრეზიდენტი, დაბადების დღეს გილოცავ იქ, სადაც ხარ“ - ნინო ნადირაძე
მთაწმინდის მწერალთა და საზოგადო მოღვაწეთა პანთეონში იმყოფებოდნენ პრემიერ-მინისტრი და პარლამენტის თავმჯდომარე. მათ ზვიად გამსახურდიას საფლავი ყვავილებით შეამკეს.
როგორც ზვიად გამსახურდიას ვაჟი გიორგი გამსახურდია„ტვიტერში“ წერს, ადგილზე ინციდენტს ჰქონდა ადგილი.
კერძოდ, პანთეონში შეკრებილმა ადამიანებმა „უზნეო სიტყვებით“ მიმართეს პრემიერსა და სხვა სტუმრებს.
„ბევრ ადამიანთან მქონია და მაქვს კამათი, პაექრობა და ა.შ შეხედულებებთან და პოლიტიკურ გემოვნებასთან დაკავშირებით, მაგრამ ეს არასდროს არ გასცდენია ადამიანურობის ფარგლებს და არც გასცდება.
თუნდაც მტერი, ყოველთვის ჩემგან მიიღებს ბოლო შანსს.
ოჯახი და მიცვალებულები კიდევ, ხელშეუხებელია.
ეს რაც დღეს ვნახეთ მთაწმინდის პანთეონში, სადაც,პრემიერი და სტუმრები იყვნენ ზვიადის საფლავზე პატივის მისაგებად სცდება ყველანაირ ზღვარს, ეგზალტირებული ბრბო, ამ ხალხს უმასპინძლდებოდა სიძულვილის ენით და ყოვლად დაუმსახურებელი ლექსიკით.
სამწუხარო რეალობაა, მაგრამ უნდა აღინიშნოს რომ ზვიადის დაღუპვაში, ამ ხალხის და ამ ხალხის მმართველის წვლილი ძალიან დიდია.
ეს არ არის მარტო ჩემი აზრი, ეს იცის ყველამ, უბრალოდ გარკვეული დელიკატური მიზეზების გამო, ხალხი ამაზე არ საუბრობს.
ასევე დასანანია, რომ ამ ვიგინდარების საჭენაოდ იქცა ქართული საზოგადოების მექა, მთაწმინდა“, - წერს გიორგი გამსახურდია.
ასევე დაგაინტერესებთ:
🔵 „ფანტასტიკური ამბავია“ - რა ინფორმაციას ავრცელებს გოგა ჩანადირი
