UFC-ის ქართველი ჩემპიონის, ილია თოფურიას მეუღლე, ჯორჯინა უზკატეგუია პირველი საერთო შვილის მშობლები ცოტა ხნის წინ გახდნენ. წყვილს გოგონა შეეძინა, რომელსაც დედის სახელი, ჯორჯინა დაარქვეს. ჯორჯინასთვის ეს პირველი შვილია, ილიას კი პირველი ქორწინებიდან უკვე ჰყავს ვაჟი.
დღეს, 6 ნოემბერს ჯორჯინა უზკატეგუია იუბილარია, რომელსაც მეუღლე ილია თოფურია სოციალურ ქსელში იუბილეს ოჯახური ფოტოთი ულოცავს, რომელიც აბუ-დაბიში გამართულ ღონისძიებაზეა გადაღებული, სადაც ქართველმა მებრძოლმა ამერიკელი მაქს ჰოლოუეი დაამარცხა.
„გილოცავ დაბადების დღეს ჩემო სიყვარულო. საუკეთესოები ხართ“, - წერს ილია.
View this post on Instagram
ჯორჯინა მარკეტინგის სპეციალისტია. მან 2022 წელს საკუთარი კომპანია Future and Energy დააარსა.
ჯორჯინა ილია თოფურიას დიდი გულშემატკივარია და ის არასდროს ტოვებს საყვარელი ადამიანის ბრძოლებს. სატიტულო ბრძოლის დროსაც მის გვერდით იყო და შავი ქამარი ილიას პირველმა მიულოცა.
თოფურიასა და ჯორჯინას სიყვარულის ისტორია, როგორც თვითონ ამბობენ, შემთხვევით დაიწყო. მათი თქმით, ერთ-ერთ ვახშამზე შეხვდნენ ერთმანეთს და იმ წამიდანვე გაჩნდა სიყვარული.
„ვახშამზე შევხვდი, ვიფიქრე, რა ლამაზი გოგოა. ის ერთ-ერთი საუკეთესო საჩუქარია, რაც ღმერთმა მარგუნა“, - ამბობს ილია ერთ-ერთ ინტერვიუში.
⭕ ასევე დაგაინტერესებთ:
⭕„ერთადერთი გზა, ღმერთი და ეკლესიაა...“ - როგორ უმკლავდება სირთულეებს ნინი ქარსელაძე?
⭕„დამიწუნეს, ამ როლისთვის ახალგაზრდააო...“ - ბაია დვალიშვილის ცნობილი ოჯახი და როლი საკულტო სერიალში
