სვეტიცხოვლის ტაძრის დეკანოზი მამა პეტრე კვარაცხელია სოციალურ ქსელში პოსტს აქვეყნებს და იმადამიანებს, მიმართავს, რომლებიც მის დასვენებას საჯაროდ განიხილავდნენ. სასულიერო პირი ამავე პოსტში, აღნიშნავს, რომ გაზრდილ კომუნალურ გადასახადებზე გადახედვაში მისი წვლილიც ურევია და უმადურმა ერმა, ეს არ დაუფასა.
„სრულიად ერი შეძრწუნდა, მამა პეტრე სადღაც ისვენებს, არიქა, არ გავახაროთ, ახლა ქოქოლა დავაყაროთო…
ზოგმა ისიც თქვა, აკი კომუნალურებიო, გადასახადებიო… ამას ვერ იხდიდა, იქ როგორ წავიდაო… უჭუ,პუჭუო…
ღმერთო, ჩემს აქ ყოფნაში ვინმეს გული არ გაუსკდეს… კარგი, სად აქვთ გული, ნუ, თვითონ გოგრასავით არ გასკდეს, მეშინია…
იმდენიც ვერ გაიგეს და ისიც ვერ დააფასეს, როცა კომუნალურებზე ვსაუბრობდი, მარტო ჩემი თავი არ მადარდებდა, ვწუხდებოდი მათზე, ვისაც მართლა ძალიან უჭირს, პურს ვერ ყიდულობს და მომატებული გაზი და შუქი როგორ უნდა გადაიხადოს, მეთქი…
სადაც შემეძლო, ყველგან ვისაუბრე და ყველას ხმა მივაწვდინე…
როგორც ჩანს, არავინ არაფრის ღირსი არ ყოფილა… თურმე მხოლოდ თავს უნდა მიხედო და იყვნენ მონობაში, იხადონ გაზრდილი გადასახადები, უკრან ტაში ბელადებს… უკვე ვიცი, როგორც უნდა მოვიქცე…
კიდევ კარგი, თავი გამოავლინეთ, თორემ ისეთი გამოუსწორებელი მიმტევებელი ვარ, ყველას ყველაფერს გპატიობთ, მაგრამ ჩემი სივრციდან ძაააალიან შორს გიშვებთ…
ახლა კი მადლობა ჩემს მეგობრებს, ვინც დამაფინანსა და აქ მთელი გულით მომემსახურა… მადლობა მათ, იციან ჩემი დამოკიდებულება აღმოსავლური კულტურის და ღირებულებების მიმართ, მთელი სპარსეთის ყურე მომატარეს…
მადლობა იმ ადამიანებს, ვინც აქ არის და გაიგო სტუმრად ვიყავი, ძალ-ღონე არ დაიშურეს, რომ ყველაზე ლამაზი კუთხით დამენახა აქაურობა…
ემირის ექიმის ოჯახის წევრები, საოცარი ადამიანები დამატარებდნენ და თან გული წყდებოდათ, ეს რამხელა ბოღმა ინთხევა, რა დაემართა ჩვენ ხალხსო!..
მადლობა უფალს, ერთგული, ღირსეული, უკარგესი მეგობრებისთვის…
ყველაფრის მიუხედავად, დაუვიწყარი დღეები გავატარე და კიდევ გრძელდება…
ნეგატივს ვივიწყებ, ყურადღებას არ ვაქცევ, მხოლოდ თბილ და სიყვარულით გაჯერებულ მესიჯებს ვკითხულობ… ასეთი ათასობით მომდის…
უბრალოდ, იცოდეთ… ზუსტად ისეთი იქნება სამყარო თქვენ მიმართ, როგორიც თქვენ ხართ სხვის მიმართ…
მე ისედაც ძალიან ცოტა ადამიანს ვენდობი და თქვენ საბოლოოდ დამარწმუნეთ, რომ ეს სწორი გადაწყვეტილებაა…
არაფერი გამკვირვებია, არც წარმოდგენა შემცვლია… ზუსტად ისეა ყველაფერი, ეოგოეც ვფიქრობდი…
მე კი ყველაფერი ისე მომცემს ღმერთმა, რასაც თქვენ გისურვებთ… და ვთქვა თქვენც ის გქონდეთ, რაც ჩემთვის გემეტებათ მეთქი?! (ყველას არ ეხება) და ბოლოს, ჩემზე საუბარი ხშირად მოგიწევთ… ჩემი მთავარი ჰობი-მოგზაურობაა… მარტის ბოლოს ევროპაში მივდივარ…
ახლა დაგინდეთ და ყველა ფოტო არ დავდე, მერე დანდობა აღარ იქნება…
უფალმა გიშველოთ და საკუთარი შურისგან, ბოღმისგან და სიძულვილისგან დაგიცვათ…
მე კი მიმრავლოს ღმერთმა საუკეთესო მეგობრები, რომლებიც მთელ პლანეტას მომატარებენ… ნუ, ასეც იქნება!..“, - წერს მამა პეტრე.
აგრეთვე დაგაინტერესებთ:
🔵„ზუსტად 5 წლის წინ, ამ დროს ჩემი შვილი კვდებოდა… მე ჯერ არაფერი ვიცოდი და აჟიტირებული ვგეგმავდი გადაცემას“ - მაია ასათიანი
🔵VIDEO: პატრიოტთა ალიანსის წევრმა, ენმ-ს დეპუტატს პირდაპირ ეთერში ჭიქა ესროლა
🔵„ღამის პრაიმთაიმიდან ამოჭრილია ის მომენტები, სადაც არგუმენტირებულად ვუმტკიცებ უზრდელ ნაზღაიძეს, რომ რელიგიას ასტროლოგიასთან წინააღმდეგობა არ აქვს“ - ხათუნა ნოელი
