ყველასთვის საყვარელი მომღერალი დათო ხუჯაძე მესამე შვილის მამა გახდა, ცნობილია რომ მას ორი ქალიშვილი ჰყავს წინა ქორწინებებიდან, ახლა კი ვაჟი შეეძინა.
სასიხარულო ინფორმაცია მომღერლის დამ, თეა ხუჯაძემ სოციალურ ქსელში გაავრცელა.
„დაიბადა თემური ხუჯაძე, სამგზის მამიდა ვარ უკვე“, - წერს თეა ხუჯაძე.
მომღერალი დათო ხუჯაძე წლებია პროფესიიდან გამომდინარე მედიის ყურადღების ცენტრშია. 49 წლის მომღერალი მსმენელს ახალი რეპერტუარებით დღემდე ანებივრებს.
მომღერალ დათო ხუჯაძეს პირად ცხოვრებაზე საუბარი არასდროს უყვარდა. ერთ დროს ყველაზე პოპულარული ბიჭი იყო, უამრავი თაყვანისმცემელი ჰყავდა, ხან ვისთან აწყვილებდნენ და ხან ვისთან.
მოსკოვში წასვლის შემდეგ ხუჯაძემ მოულოდნელად იქორწინა. მისი მეუღლე ნათია ონიანი გახდა, რომელიც რუსეთში დაიბადა და გაიზარდა. დათოს და ნათიას ქალიშვილი მელანოც შეეძინა, თუმცა მოულოდნელად დაშორდნენ. დათო ცოლთან დაშორების მიზეზებზე არასდროს საუბრობს.
თუმცა ცნობილია ის, რომ ყოფილი ცოლი მას შვილის ნახვის უფლებას არ აძლევდა, რასაც მომღერალი ძალიან განიცდიდა.
მუსიკოსმა მეორედ ეკა დალაქიშვილზე იქორწინა. წყვილმა ულამაზესი ქორწილი გადაიხადა. დათოს ამ ქორწინებიდან, მეორე შვილი ილა ეყოლა. წყვილს შორის ასაკობრივი სხვაობა 17 წელი იყო.
დათო ხუჯაძის მესამე რჩეული და ამჟამინდელი მეუღლე თაკო თუხაშვილია, რომელზედაც გასული წლის სექტემბერში იქორწინა.
აგრეთვე დაგაინტერესებთ:
⭕ „ფეხბურთი მაინც რა არის, არა? მხოლოდ გოლი არ არის...“- რა ფოტოს აქვეყნებს გოგა ჩანადირი
