მსახიობი და ტელეწამყვანი გიორგი გასვიანი და მისი მეუღლე მარიტა მელიქიშვილი საზოგადოებაში დიდი პოპულარობით სარგებლობენ. მათ დაოჯახებას ყველა დადებითი ემოციებით შეხვდა და საზოგადოებამ მათი წყვილი მალევე შეიყვარა.
დღეს მათ ქორწინებიდან 5 წელი გავიდა.
ამის შესახებ სოციალურ ქსელში გიორგი გასვიანი წერს და ფოტოს აქვეყნებს.
„5 წელი ქორწინებიდან“, - წერს გიორგი გასვიანი.
წყვილს ერთი შვილი ჰყავს - გალა, რომელიც ასევე დიდი პოპულარობით სარგებლობს საზოგადოებაში.
„მარიტა პანდემიამდე ჩემს სპექტაკლებზე დადიოდა. "ინსტაგრამის" მეშვეობით შორიდან ვიცნობდით ერთმანეთს და პირველად ჩემი მეგობრის, ზურა ჯავახიას კონცერტზე ახლოს გავიცანით ერთმანეთი. ჩვენი სასიყვარულო ურთიერთობა ასე დაიწყო. გაცნობიდან ძალიან მალე მივხვდით, რომ ერთმანეთის გარეშე აღარ შეგვეძლო. შემდეგ მარიტამ მშობლებს უთხრა ჩვენი ურთიერთობის შესახებ და მათთვისაც ძალიან მოულოდნელი იყო. მხოლოდ ტელეეკრანიდან მიცნობდნენ. როდესაც მათთან მივედი, ძალიან კარგად მიმიღეს. მარიტა თეატრის მოყვარულია, რაღაც პერიოდი მსახიობობაზეც ფიქრობდა, ამიტომ არ გაჰკვირვებიათ მშობლებს, რომ ბედი ხელოვანს დაუკავშირა.
რომელ ასაკშიც უნდა შექმნა ოჯახი, ნებისმიერ დროს ხარ ბედნიერი. მთავარია, ბედნიერების ყოველდღიური განცდა შეგეძლოს. პატარა ასაკში რომ დავოჯახებულიყავი, როცა მეტი პრობლემა მქონდა, როცა პროფესიულადაც არ ვიყავი ჩამოყალიბებული და წესიერად სახლიც არ მქონდა, რადგანაც დევნილი ვარ, ალბათ უფრო გამიჭირდებოდა. ამიტომაც არ ვქმნიდი.
ჩვენი ურთიერთობა, ვფიქრობ, ძალიან საინტერესოა, ერთმანეთისთვის ძალიან კომფორტული ადამიანები ვართ - ერთნაირად ვფიქრობთ, ერთნაირად ვაზროვნებთ. ეს ცოლ-ქმრის ურთიერთობაში ძალიან მნიშვნელოვანია. თავისუფლად და კარგად ვგრძნობთ თავს. საერთოდ, ჩვენს ურთიერთობაში მეგობრობას და გულშემატკივრობას დიდი ადგილი უჭირავს“, - ამბობდა გიორგი გასვიანი ერთ-ერთ ინტერვიუში.
⭕ ასევე დაგაინტერესებთ:
⭕არის თუ არა ბაზარზე ნატურალური ყველი? - რჩევები ირაკლი არაბულისგან
