იმუნიზაციის მრჩეველთა ეროვნული ტექნიკური ჯგუფის ხელმძღვანელის, ივანე ჩხაიძის განცხადებით,თუ მომდევნო სამშაბათს 26 ათასზე მეტი ინფიცირება არ იქნება, შეგვეძლება ვთქვათ, რომ კორონავირუსის მე-6 ტალღა საქართველოში ჩამთავრების სტადიაშია.
მედიკოსებს აქვთ მოლოდინი, რომ შესაძლებელია სწორედ ეს მაჩვენებელი იყოს საქართველოსთვის პიკური მაჩვენებელი.
„2022 წლის 2 თებერვალს დაფიქსირებული 26 ათასზე მეტი შემთხვევა არის ჯერჯერობით საქართველოსთვის მაქსიმუმი და გვაქვს მოლოდინი, რომ შესაძლებელია სწორედ ეს მაჩვენებელი იყოს ჩვენთვის პიკი, რადგან მომდევნო დღეებში ჩვენ ვხედავთ შემთხვევების შემცირებას, თუმცა არ უნდა დაგვავიწყდეს წარსული გამოცდილება, როცა პიკურ მაჩვენებლის შემდეგ, შემთხვევების შემცირებას მაშინვე მოჰყვა კიდევ ერთი ტალღა.
ჩვენთვის რა თქმა უნდა, საუკეთესო სცენარია თუ მე-6 ტალღის პიკმა გადაიარა და დაღმავალ მრუდზე ვართ, ამაზე პასუხს მომდევნო 1 კვირა გაგვცემს, თუ მომდევნო სამშაბათს ინფიცირების მაჩვენებელი იყო არა უფრო მეტი ვიდრე 26 ათასი, შეგვეძლება ვთქვათ რომ კორონავირუსის მე-6 ტალღა საქართველოში ჩამთავრების სტადიაშია”, – აღნიშნა „ფორტუნას“ გადაცემაში „კვირის თემა“ ივანე ჩხაიძემ.
აგრეთვე დაგაინტერესებთ:
🔵„თეატრმა ჩემი შეხედულებების გამო „სასჯელი“ დამიწესა... მოიხსნა ყველა სპექტაკლი, რაშიც ვმონაწილეობდი“ - იოსებ ხვედელიძე
