ხაშურის N35 საოლქო საარჩევნო კომისიის თავმჯდომარე, იმედო ლაცაბიძე, კორონავირუსით გარდაიცვალა. იმედო ლაცაბიძე ხაშურის საარჩევნო კომისიას 2004 წლიდან ხელმძღვანელობდა. ახალგაზრდა კაცი რამდენიმე კვირის განმავლობაში ებრძოდა ვირუსს.
სოციალურ ქსელში ახლობლები საყვარელ მეგობარს ემშვიდობებიან და ემოციურ სტატუსებს წერენ:
„არ მჯერა რომ აღარ ხარ იმედო როგორ მენანები ღმერთმა დაგიმკვიდროს ცათა სასუფეველი შენს ოჯახს გამძლეობას ვუსურვებ.“
„თავზარდამცემი ამბავი სწრაფად ვრცელდება...როგორ დავწერო წარსულში შენზე. როცა ასეთი შეუპოვარი და მებრძოლი ადამიანი, მე მამხნევებდი გაზაფხულზე, შენი გიოსთვის დადექი ფეხზეო...თავად დამარცხდი... უჰ, რა მწარეა შენიანებისთვის...ვიზიარებ ოჯახის მწუხარებას, მშვიდად განისვენე მართალთა საუფლოში.“
„რატომ??? რატომ???
ბოლომდე მეგონა რომ ვერ მოგერეოდა ეს ვირუსი კეთილშობილ, საამაყო, საუკეთესო მეგობარს, ერთადერთ შვილს, საუკეთესო მამას, მეუღლეს და რაც მთავარია სამშობლოს კეთილდღეობისათვის მებრძოლ ადამიანს....
უკვე მერამდენე მეგობარი დავკარგე ამ ვერაგი ვირუსით... ჩემი ბავშვობა , ტკბილი მოგონება .... რა გაუსაძლისი ტკივილია წარსულში შენზე საუბარი.“
„ჩემო საყვარელო ნათლია როგორ ვერ ვიჯერებ, რომ ჩვენ გვერდით აღარ ხარ და ასე უდროოდ დაგვტოვე როგორ ძალიან გვატკინე ყველას გული გუშინდელივით მახსოვს სულ პატარას როგორ მასწავლიდი მამაოჩვენოს შენ მიკითხავდი და მე კი ვიმეორებდი არასოდეს არ დამავიწყდება ის წუთები როცა გვერდში მიდექი და მამშვიდდებდი
მახსოვს ერთხელ გითხარი გვერდში არავინ დამიდგა-თქო და შენ მითხარი ჩემო საყვარელო ნათლია მე ხომ გყავარ მითხარი რა გიჭირსო
კიდევ რამდენი რამ დავწერო ყველაფრის წერა და ლაპარაკი არ შემიძლია
დღეს შენი წასვლით გული მოგვიკალი რატომ ღმერთო? დედას ერთადერთი იმედო რატომ წაართვი. მშვიდად განისვენე ჩემო ნათლია უფალს ებარებოდე“ - წერენ ახლობლები.
აგრეთვე წაიკითხეთ:
🔵„გადაჭამეთ უკვე ერთმანეთი… ფარსია ეს ყველაფერი და ფარისევლები ხართ ყველა!“ - რას წერს ეკო ფანგანი
🔵არ ჩავაკეტვინოთ ქვეყანა, ყველაფერი ჩვენს ხელშია - რას წერს გიორგი ფხაკაძე
