მარნეულში მცხოვრები ოპერატორი ლელა ხარშილაძე, სოციალურ ქსელში საკუთარი გამოცდილებით უმძიმეს ისტორიას იხსენებს და ქალებზე სექსუალური ნიშნით ძალადობის თემას ეხმაურება.
იგი მიმართავს ქალების წინააღმდეგ გამოთქმულ კრიტიკული მოსაზრების ავტორებს და აცხადებს, რომ ხმის ამოღებას ძალა სჭირდება და ამაზე საჯაროდ საუბარი რთულია.
„დაახლოებით 18 წლის ვიყავი, უცნობმა კაცმა სცადა სექსუალური ძალადობა ჩემზე, მიხსნა იმან, რომ ფიზიკურად ძლიერი ვარ და ვერ მომერია.
30 წელს გადაცილებული ვიყავი ამ თემაზე პირველად ხმა რომ ამოვიღე.
სამაგიეროდ ის წლები, სანამ ხმას ამოვიღებდი, მორალურად გავნადგურდი, ყველა კაცი მოძალადე მეგონა, საკუთარი ნათესავებიც კი.
ამას იმიტომ ვწერ, რომ ბევრგან მხვდება კომენტარი შევიწროებული ქალების მიმართ, აქამდე სად იყო, რატომ არ თქვაო!
დამიჯერეთ, არაა ადვილი!!
თითქმის, ოცი წელი დამჭირდა მე პირადად ამ თემაზე ხმა რომ ამომეღო!
ჩემო სოლიდარობა ქალებს!!
პირველად ვწერ ასე საჯაროდ ამ ამბავს“, - წერს ხარშილაძე.
ასევე დაგაინტერესებთ:
