მოდელი კესარია აბრამიძე სოციალურ ქსელში დიდ დიღომში მომხდარ 12 წლის მოზარდის მკვლელობას ეხმაურება და წერს, რომ გარდაცვლილი მისი მეგობრის შვილია.
„ჩემი ანი.
ჩემი მეგობრის შვილია
დამნაშავე კი არ უნდა დაისაჯოს ცოცხლად უნდა დაწვან მხოლოდ!“,- წერს აბრამიძე.
ამ დროისთვის არსებული ინფორმაციით, არასრულწლოვანი 16 მარტის საღამოს დაიკარგა. მას 23:00 საათიდან სამართალდამცველები და ადგილობრივები ეძებდნენ. მოზარდი ბოლოს პეტრიწის ქუჩის მიმდებარედ, სკვერში ნახეს. რამდენიმე საათის შემდეგ კი მოშორებით, უგონო მდგომარეობაში იპოვეს. ადგილზე სასწრაფო დახმარების ბრიგადა მივიდა, თუმცა ბევრი მცდელობის მიუხედავად, გოგონას გადარჩენა ვერ მოხერხდა.
გავრცელებული ცნობით, მომხდარ ფაქტთან დაკავშირებით გამოძიება სისხლის სამართლის კოდექსის 109-ე მუხლით დაიწყო, რაც დამამძიმებელ გარემოებაში განზრახ მკვლელობას გულისხმობს.
გოგონა საკუთარ სახლში უკვე გადაასვენეს.
ასევე დაგაინტერესებთ:
