მომღერალმა თიკა ჯამბურიამ გადაცემაში „სთორი“ საკუთარი ცხოვრების სხვადასხვა ეტაპზე ისაუბრა. ჯამბურიამ საკუთარი თავი მგრძნობიარე ადამიანად დაახასიათა და აღნიშნა, რომ მისთვის შეფასებას ძალიან დიდი მნიშვნელობა აქვს. ასევე ხაზი გაუსვა იმასაც რომ კრიტიკაზე საკმაოდ ემოციურად რეაგირებს.
თიკამ ეთერში გაიხსენა თუ როგორ ცუდად გრძნობდა თავს მაშინ,როდესაც საზოგადოების დიდი ნაწილი ჭარბ კილოგრამებზე მიანიშნებდა და ამის გამო მას უშვერი სიტყვებით მოიხსენიებდნენ კიდევაც.
„ჩემი მომატებული წონის გამო ხალხი ძალიან მაკრიტიკებდა. მეც ვკომპლექსდებოდი და აღარ მინდოდა არც ტელევიზიაში მისვლა და არც სცენაზე ასვლა. მოვამზადებდი სიმღერას, ჩავდებდი შრომას და მსმენელი სიმღერის ნაცვლად ჩემს ფიზიკურ მონაცემებს აფასებდა - ძროხა, ღორი, მსუქანი გასიებული, ამას და კიდევ რას აღარ მეძახდნენ. ბევრჯერ შემცოდებია ჩემი თავი და მიტირია. შემდეგ ჩემი მეგობრის დახმარებით გადავლახე და ახლა უკვე მივხვდი რომ პრობლემა ჩემში კი არა ხალხშია“, - ამბობს თიკა ჯამბურია.
აგრეთვე დაგაინტერესებთ:
🔵ვინ არიან გლდანში გარდაცვლილები? - ფოტოები სოციალური ქსელიდან
🔵18 274 ინფიცირება, 8400 გამოჯანმრთელება, 41 გარდაცვალება - ეპიდვითარება საქართველოში
🔵ქალმა ბავშვი დათვის ვოლიერში ჩააგდო – რა გააკეთა კავკასიურმა მურა დათვმა
