კასპში მოღვაწე სასულიერო პირი მამა ლევან ჯიქური, სოციალურ ქსელში მრევლს ხშირად მიმართავს და ეკლესიური ცხოვრებისკენ მოუწოდებს.
სასულიერო პირი, ამჯერად ეფრემ ასურის ლოცვის განმარტების შესახებ წერს, რომელიც ოჯახში ქალისა და მამაკაცის როლებს შეეხება.
„ეფრემ ასურის ლოცვით, ღმერთს სულის უქმობის, მიმოწვლილველობის შემდეგ, უკვე ვთხოვთ რომ არ ჩავარდეთ მთავრობისმოყვარეობის ცოდვაში.
ეს არის ცხოვრების წესი, როცა ადამიანი არის უფროსი, არ აქვს მნიშვნელობა მთავრობაშია, სკოლაში, ეკლესიაში თუ სახლში და გადართულია მხოლოდ საკუთარი თავის პატივისცემაზე, სარგებლობაზე, გამდიდრებაზე და სხვები არ ახსოვს.
თორემ თუ სათავეში მყოფს ადამიანებისთვის სარგებელი მოაქვს, იცავს სიმშვიდეს, მართლმსაჯულია, იფარავს ქვრივ ობლებს, სუსტებს უსამართლო ძლიერი ხალხისგან იგი ღვთის კაცია.
მთვავრობისმოყვარეობის ცოდვაშია ყველა მამაკაცი, ვინც ნამეტნავად უფროსობს ცოლთან.
თუ თვითონ არ შრომობს და მის ცოლს უწევს ოჯახის რჩენა. ეს სამარცხვინო და უსჯულო საქციელია.
ღმერთმა მამაკაცს, იმიტომ მისცა უმეტესი ღონე, და დედაკაცი იმიტომ შექმნა სუსტი, რომ მამები ბევრს უნდა შრომობდნენ და დედები შვილებს ადამიანობას ასწავლიდნენ.
შეიძლება ვერ ნახოს კარგი სამსახური, მით უმეტეს ჩვენ ქვეყანაში, მაგრამ 100 ლარიც რომ მისცენ, მაინც უნდა იმუშაოს, რომ ღმერთსაც მოულბოს გული და ცოლსაც.
სულიერ და ნაკითხ ოჯახებში მანდილოსნებს აქვთ დიდი პატივისცემა“, - წერს სასულიერო პირი.
ასევე საინტერესოა:
🔵ამ დღეს ჩაფიქრებული სურვილი 21 სექტემბრამდე აუცილებლად აგისრულდებათ - როგორ უნდა მოიქცეთ ამისთვის
🔵„20 მარტს შეგიძლიათ შეუდგეთ კოსმიური ახალი წლის სამზადისს“ - რა უნდა გავაკეთოთ ამ ღამეს?
