ზოგადი ფონი: ნოემბრის ეს კვირა წლის ერთ-ერთი ყველაზე ინტენსიური და რთული პერიოდია. მართალია, 13-14 ნოემბერს მერკურისა და ვენერას რეტროგრადული მოძრაობის დასრულება კომუნიკაციასა და პარტნიორულ ურთიერთობებში გარკვეულ სიცხადეს შეიტანს და შინაგან „ბლოკებს“ მოხსნის, მაგრამ ზოგადი ასტროლოგიური ამინდი უკიდურესად მწვავე რჩება. მთელი კვირის განმავლობაში შენარჩუნდება მზისა და მარსი-იუპიტერის ნეგატიური ასპექტი, რაც აგრესიის, ძალაუფლებისთვის ბრძოლისა და რადიკალური კონფლიქტების ესკალაციაზე მიუთითებს. ამას ემატება 9 ნოემბრის ახალმთვარეობაც, რომელიც მზის მომავალი დაბნელების ენერგიას ჩართავს და მოვლენებს კიდევ უფრო მასშტაბურსა და შეუქცევადს ხდის. ასე რომ, 2026 წლის ნოემბრის პირველ ნახევარში განვითარებული გლობალური თუ ლოკალური მოვლენები (მიზეზი) უდიდეს გავლენას 2027 წლის თებერვალზე მოახდენენ (შედეგი).

9 ნოემბერს, თბილისის დროით 11:02 საათზე, მორიელის მე-17 გრადუსში ახალმთვარეობა იქნება. ერთი შეხედვით ეს ასტროლოგიური კალენდრის რიგითი მოვლენაა, თუმცა რეალურად ერთგვარი დროის ხიდია. ის პირდაპირ 2027 წლის 6 თებერვლის მზის რგოლურ დაბნელებას უკავშირდება. ეს მხოლოდ ახალი მთვარის თვის დასაწყისი არ იქნება - 9 ნოემბრიდან დაიწყება ის პროცესები, რომლებიც შედეგებს 2027 წლის თებერვალში მოიტანს.

ცნობილი ასტროლოგი რამაზ გიგაური სოციალურ ქსელში თანამედროვე საზოგადოებაში არსებულ მუდმივ წნეხსა და „გაჩერების შიშზე“ წერს. ასტროლოგის განმარტებით, როდესაც წარმატების დევნისა და პერფექციონიზმის ფონზე დასვენება დანაშაულად იქცევა, ადამიანები იკაროსის მითის მსგავსად ზომიერების განცდას კარგავენ, რაც საბოლოოდ პროფესიულ და ემოციურ „გადაწვას“ - ანუ დამწვარ ფრთებს იწვევს.

ცნობილი ასტროლოგი რამაზ გიგაური სოციალურ ქსელში მიმდინარე წლის 4 ნოემბრის მნიშვნელოვან ასტროლოგიურ მოვლენაზე - მერკურის კაზიმზე წერს. მისი განმარტებით, მორიელის ნიშანში მზისა და რეტროგრადული მერკურის ზუსტი შეერთება ქმნის უნიკალურ „რენტგენის ეფექტს“, რომელიც საიდუმლოებების ამოხსნას, ფსიქოლოგიურ სიღრმეებში ჩასვლას და დიდი ხნის განმავლობაში ბუნდოვანი კითხვებისთვის ზუსტი პასუხების მიღებას ემსახურება.

ნოემბრის პირველი კვირა საკმაოდ პრობლემური და წინააღმდეგობრივი იქნება. თუმცა ამავე პერიოდში მნიშვნელოვანი პასუხების მიღებაც გახდება შესაძლებელი. გაგრძელდება სამუშაოსთან, ფინანსებთან, ჯანმრთელობასა და ურთიერთობებთან დაკავშირებული ის რთული გადალაგებები, რომლებიც ჯერ კიდევ ოქტომბრის მეორე ნახევარში დაიწყო. მთავარ ამინდს მორიელის ნიშანში რეტროგრადული მერკურის პიკი შექმნის, რაც გარკვეულ შეფერხებებს და გაუგებრობებს დაუკავშირდება. თუმცა, სასწორში მყოფი რეტრო-ვენერა, რომელიც ახლა უკვე ჰარმონიაშია მარსთან, ურთიერთობების გაუმჯობესების კარგ შანსებზე მიუთითებს.

წარმოიდგინეთ, რომ მნიშვნელოვან სატელეფონო საუბარში ხართ და უცებ კავშირი იკარგება. ტელეფონი კი არ გათიშულა, უბრალოდ კავშირის ხარვეზია. ასტროლოგიაში მსგავს ფენომენს „უკურსო მთვარე“ ეწოდება. ამ დროს მთვარე ზოდიაქოს ერთ ნიშანში თავის მოძრაობას ასრულებს და მომდევნო ნიშანში გადასვლამდე სხვა პლანეტებთან ასპექტებს (ენერგეტიკულ კავშირს) წყვეტს. ამ დროს, ასე ვთქვათ, „კოსმოსური კავშირი“ ითიშება. ეს ის პერიოდია, როცა მიზანმიმართული ქმედებები სასურველ შედეგს არ იძლევა და მოვლენების ლოგიკური ჯაჭვი ირღვევა.

ასტროლოგი რამაზ გიგაური სოციალურ ქსელში წერს, რომ 25 ოქტომბრიდან 12 ნოემბრის ჩათვლით პერიოდი ცის კაბადონზე ერთდროულად ხუთი რეტროგრადული პლანეტის (მერკური, ვენერა, სატურნი, ურანი, ნეპტუნი) არსებობით გამოირჩევა. ასტროლოგი ამ უიშვიათეს კარმულ დროს „დიდ პაუზას“ უწოდებს და განმარტავს, რომ ეს არის წარსული შეცდომების გადახედვის, ძველი ვალების გასტუმრებისა და დაუსრულებელი საქმეების მოსაწესრიგებელი ეტაპი, სანამ 13-14 ნოემბრიდან ცხოვრებაში ახალი გზები გაიხსნება:

სიტყვიერი ომები და ეგოების დაპირისპირება „სანამ ხმალი მოვიდოდა - ენამ სისხლი დაღვარაო“ (ქართული ანდაზა). 28 ოქტომბრიდან 2 ნოემბრის ჩათვლით (პიკი - 30 ოქტომბერი) ცის კაბადონზე ერთ-ერთი ყველაზე დაძაბული ასპექტი - რეტროგრადული მერკურისა (მორიელში) და მარსის (ლომში) კვადრატურა ფიქსირდება.

26 ოქტომბერს, კუროსა და მორიელის ღერძზე დასადგამი სავსემთვარეობა წლის ერთ-ერთი ყველაზე რთული და ტრანსფორმაციული პერიოდი იქნება. ასტროლოგი რამაზ გიგაური სოციალურ ქსელში ვრცელ პროგნოზს აქვეყნებს და აღნიშნავს, რომ პლუტონის მონაწილეობით ფორმირებული ტაუ-კვადრატი როგორც პირად, ისე გლობალურ დონეზე მასშტაბურ დაძაბულობასა და რადიკალურ ცვლილებებს მოიტანს:

ზოგადი ფონი: ოქტომბრის მესამე დეკადაში ასტროლოგიური ამინდი მკვეთრად იცვლება და ბევრად უფრო ღრმა, ტრანსფორმაციულ ფაზაში გადადის. თუ კვირის პირველ ნახევარში სასწორში მოძრავი მზე ჯერ კიდევ გვაძლევს საშუალებას, პრობლემები დიპლომატიური გზით მოვაგვაროთ, პარასკევიდან (23 ოქტომბრიდან) მზე მორიელის ნიშანში გადადის. ეს ნიშნავს, რომ წინა პლანზე ფსიქოლოგიური სიმტკიცე, კრიზისების მართვა და ფინანსური საკითხები გამოდის. მთელი კვირის მანძილზე იგრძნობა „ორმაგი დამუხრუჭების“ ეფექტი: რეტროგრადულ ვენერას შაბათს, 24 ოქტომბრიდან რეტროგრადული მერკურიც ემატება. მოლაპარაკებებში, შეთანხმებებში, ფინანსურ და სავაჭრო ოპერაციებში სერიოზული შეფერხებები გაჩნდება. თუმცა, სამყარო ამ პაუზას ტყუილად არ გვაძლევს - ეს კარგი დრო იქნება, რომ წარსულს მივუბრუნდეთ, გადავაწყოთ სამუშაო და საოჯახო პროცესები, აღვადგინოთ ძველი კავშირები და გავთავისუფლდეთ ყველაფრისგან, რაც ამოიწურა და ზედმეტ ტვირთად იქცა.